د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په ترینکوټ کې د پنځو پروژو چارې پیل شوې

په ترینکوټ کې د پنځو پروژو چارې پیل شوې

Feb 17, 2019 - 16:24

ترینکوټ(پژواک، ۲۸سلواغه ۹۷): د اروزګان په مرکز ترینکوټ کې د ۱۴۹ میلیونو افغانیو په لګښت د پنځو پروژو د پلي کېدو چارې پیل شوې.

په دغو پروژو کې دوه تم ځایونه، یو جامع جومات او دوه د غونډو تالارونه شامل دي.

د اړوندې موضوع په اړه جوړو شويو مراسمو ته د اروزګان والي محمد شفیق اسدالله سعید وويل چې د يادو پروژو چارې به د يو کال په موده کې بشپړې شي.

هغه وويل، د يادو پروژو مالي لګښت ١٤٩ ميليونه افغانۍ کېږي چې د ولسمشر د ځانګړې پاملرنې له مخې دغه ولايت ته ورکړل شوې دي.

دغه راز په دې غونډه کې د ترينکوټ ښاروال نعمت الله بختيار وويل چې د دغو پروژو په پلي کېدو سره به ګڼ شمېر ځوانانو ته د کار کولو زمينه هم برابره شي.

په ورته وخت کې د ترينکوټ ښار اوسېدونکي محمد ضمير پژواک ته وويل چې د دغو پروژو پلي کېدل به اړوندو برخو کې تر ډېره د خلکو ستونزې هم هوارې کړي.

هغه وايي: ((مخکې خلک چې له يوه ځاى څخه بل ته تلل نو د درېدو لپاره يې کوم خاص ځاى معلوم نه و خو اوس چې تم ځايونه جوړېږي نو دا ډېر ښه کار دى.))

د يادونې ده چې اروزګان د افغانستان د وروسته پاتې ولايتونو له ډلې څخه دى چې ډېرى وخت يې اوسېدونکي د پروژو له نه پلي کېدو څخه شکايتونه کوي.

ورته راپورونه:

نظر ورکړئ

اعلانونه

Advertisement