د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ننګرهار کې اته ولسي پاڅون کوونکي وژل شوي

ننګرهار کې اته ولسي پاڅون کوونکي وژل شوي

Feb 19, 2019 - 18:35

جلال اباد (پژواک، ۳۰ سلواغه ۹۷): د ننګرهار چارواکي وايي، د دغه ولايت بټي کوټ ولسوالۍ کې له وسله والو طالبانو سره په نښته کې ۸ ولسي پاڅون کوونکي وژل شوي دي.

چارواکي که څه هم په دغه نښته کې وسله والو ته هم د درنې مرګ ژوبلې اوښتو خبره کوي؛ خو وايي په دې اړه کره شمېرې نشته.

د ننګرهار د والي وياند عطاء الله خوږياني د سلواغې په ۳۰مه پژواک خبري اژانس ته وويل، وسله والو تېره شپه د بټي کوټ ولسوالۍ لاچه پور سيمه کې د ولسي پاڅونوالو پر پوسته ډله ييز بريد کړی دی.

هغه زياته کړه، پوسته کې مېشتو ولسي پاڅونوالو له وسله والو سره مقاومت کړی؛ خو د وسله والو د بريدونو په نتيجه کې ۸ ولسي پاڅونوال وژل شوي دي.

د والي وياند وايي، په دغه نښته کې ګڼ شمېر وسله والو ته هم مرګ ژوبله اوښتې؛ خو دوی سره يې کره شمېرې موجودې نه دي.

بلخوا د سيمې اوسېدونکي وايي، وسله والو هغه مهال پاڅونوالو ته مرګ ژوبله واړوله، چې له نورو امنيتي ځواکونو يې د مرستې غوښتنه وکړه؛ خو هغوی يې مرستې ته ژر ور ونه رسېدل.

د سيمې يو اوسېدونکي د نوم نه خپرولو په شرط پژواک ته وويل، په نښته کې يوه مېرمن هم وژل شوې ده.

وسله والو طالبانو تر اوسه په دې اړه څه نه دي ويلي.

نښه: 

ورته راپورونه:

نظر ورکړئ

اعلانونه

Advertisement