د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

کندهار کې یونیم میلیون نیالګي اېښودل کېږي

کندهار کې یونیم میلیون نیالګي اېښودل کېږي

Feb 20, 2019 - 18:34

کندهار (پژواک، د کب لومړۍ نېټه ۹۷): په کندهار کې نن د نیالګیو اېښودو لړۍ پیل شوه او ټاکل شوې چې د دغه ولایت په مرکز او ولسوالیو کې یونیم میلیون نیالګي کېښودل شي.

د نیالګیو د اېښودو لړۍ نن د کندهار ښار د عینو مېنې له ۳۵۰ بستریز روغتون څخه پیل شوه چې په دغو مراسمو کې د کندهار ولایت سرپرست عبدالحنان منیب، ښاروال، د کرنې رییس، د ولایتي شورا غړو او قومي مشرانو ګډون کړی وو.

منیب پژواک خبري اژانس ته وویل، ولایتي اداره سږ کال پلان لري په کندهار ښار او ولسوالیو کې یو نیم میلیون نیالګي کښېږدي او دا لړۍ یې نن له کندهار ښاره پیل کړه.

هغه د دې تر څنګ یادونه وکړه چې په ولسوالیو کې به پر ۶ زره جریبه ځمکه کې بېلابېل باغونه هم جوړ کړي چې ډېره برخه به یې د پستې وي.

د ده په خبره، په دې توګه به هم یو سمسور او پاک چاپېریال برابر شي او هم به په راتلونکي کې له باغونو ښه حاصلات تر لاسه شي.

سرپرست والي له خلکو هم وغوښتل چې نیالګي کښېنوي او هم یې په پالنه او روزنه کې برخه واخلي.

د کندهار د کرنې رییس سید حفیظ الله سیدي پژواک ته وویل، دغه نیالګي د کرنې ریاست له خوا چمتو شوي چې مېوه لرونکي او بې مېوې دواړه په کې شامل دي.

هغه زیاته کړه، دوی به هڅه وکړي د نیالګیو د کښېنولو تر څنګ د هغو ساتنې ته هم پاملرنه وکړی.

د کندهار اوسېدونکي هم وايي، د نیالګيو د کښېنولو تر څنګ دې د هغو پاللو ته ډېره پاملرنه وشي.

د کندهار ښار د ۱۱مې ناحیې اوسېدونکی اجمل وايي، هر کال په زرګونو نیالګي کښېنول کېږي، خو ډېر یې د نه پاللو له امله وچېږي.

دی وايي، دا د خلکو او ادارو دنده ده چې اېښودل شوي نیالګي وپالي او د دې لپاره یو میکانیزم جوړ کړي.

نښه: 

ورته راپورونه:

نظر ورکړئ

اعلانونه

Advertisement