ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د کندهار د دهلې بند د وروستیو اورښتونو له امله ۸۰ سلنه ډک شوی

د کندهار د دهلې بند د وروستیو اورښتونو له امله ۸۰ سلنه ډک شوی

author avatar
21 Feb 2019 - 18:32
د کندهار د دهلې بند د وروستیو اورښتونو له امله ۸۰ سلنه ډک شوی
author avatar
21 Feb 2019 - 18:32

کندهار (پژواک، ۲ کب ۹۷): چارواکي وايي، د وروستیو ورښتونو له امله د کندهار د دهلې بند ۸۰ سلنه ډک شوی چې یوه زرغون کال ته یې د خلکو هیله مندي ډېره کړې ده.

دغه بند د کندهارد اوو ولسواليو شاوليکوټ، ارغنداب، ژېړۍ، پنجوايي، ميوند، ډنډ او دامان کرنيزې ځمکې او باغونه خړوبوي.

د کندهار د کرنې رییس سید حفیظ الله سیدي پژواک خبري اژانس ته وویل، سږ کال تر دې مهاله په کندهار کې ۱۱۷ ملي متره باران ورېدلی په داسې حال کې چې تېر کال یواځې ۷۵ ملي متره باران ورېدلی و.

دی وايي، تمه ده تر پسرلي پورې په راتلونکې یوه یا دوه میاشتو کې نور باران هم و وري.

د ده په خبره، د وروستیو ورښتونو له امله د کندهار د دهلې بند ۸۰ سلنه له اوبو ډک شوی چې یوه زرغون او اباد کال ته یې د خلکو هیله مندي ډېره کړې ده.

په کندهار کې روانو ورښتونو په داسې حال کې اباد کال ته هیلې ډېرې کړي چې دغه ولایت ۷۰ سلنه وچکالۍ ځپلی دی.

د کندهار د کرنې رییس وايي، د وچکالۍ له امله په ډېرو سیمو کې تر ځمکې لاندې د اوبو کچه لسګونه متره ټیټه شوې وه چې نه یواځې د څښاک د اوبو د کمښت ستونزه یې پیدا کړې وه، بلکې له امله یې زرګونه جریبه ځمکه له کرنې پاتې شوې او په ځینو سیمو کې یې بیا ۶۰ سلنه مالداري له منځه وړې وه.

خو دی وايي چې سږنیو ورښتونو د وچکالۍ خطر کم کړی دی او د نور اورښت اټکل هم شته.

د ده په خبره، د یوه زرغون کال لپاره له ۲ تر ۳ سوه ملي متره باران ته اړتیا ده.

وروستیو ورښتونو د کندهار اوسېدونکي، کروندګر او باغ لرونکي هم خوشحاله کړي او وايي، سږ کال به د اوبو له کمښت سره مخ نه وي او له خپلو ځمکو او باغونو به ښه حاصلات تر لاسه کړي.

د کندهار د پنجوايي ولسوالۍ اوسېدونکی محمد صادق وايي، د روانې وچکالۍ له امله د کندهار په ډېرو سیمو کې تر ځمکې لاندې د اوبو کچه ټيټه شوې، په ګڼو ولسوالیو کې کر او کرونده زیانمنه شوې او مالدارۍ ته یې هم درانه زیانونه اړولي دي.

خو دی په دې باور دی چې روان ورښتونه به ټولو زیانونه جبران کړي.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.