د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پکتيکا د پوهنې رياست ګودام کې ٥زره ټوکه د پاکستان نصاب کتابونه موندل شوي

د پکتيکا د پوهنې رياست ګودام کې ٥زره ټوکه د پاکستان نصاب کتابونه موندل شوي

Feb 24, 2019 - 14:36

ښرنه (پژواک، ٥ کب ٩٧): د پکتيکا د پوهنې رياست د کتابونو له ګودامه زرګونه ټوکه د پاکستان نصاب کتابونه موندل شوي دي.

دغه موضوع په داسې حال کې راپورته کېږي چې يوه مياشت مخکې پژواک اسناد موندلي وو چې د پکتيکا په برمل ولسوالۍ کې په يو شمېر شخصي ښوونځيو کې د پاکستان نصاب کتابونه تدريسېږي.

د پکتيکا والي مجيب الرحمن څمکني د پوهنې له رياسته د ليدنې پر مهال په يو ګودام کې پنځه زره ټوکه په اردو ژبه ليکلي کتابونه موندلي دي.

هغه د پوهنې رياست له مسوولينو غوښتي چې د دې موضوع په اړه دې جدي پلټنه وکړي او په اړه دې مفصل راپور له ولايتي ادارې سره شريک کړي.

د پکتيکا ولايت اوسېدونکي نبي زيارمل پژواک ته وويل، يوه مياشت مخکې رسنيو راپور خپور کړ چې د پکتيکا په برمل ولسوالۍ کې په شخصي ښوونځيو کې د پوهنې رياست د نه پاملرنې له امله د پاکستان نصاب تدريسېږي، خو مسوولينو نه منله.

د هغه په وينا، د پکتيکا والي د پوهنې د ریاست له يوه ګودام څخه چې د ملي امنيت رييس يې هم ملتيا کوله، پنځه زره ټوکه د پاکستان نصاب کتابونه موندلي چې خلک يې د جدي پلټنې غوښتنه کوي.

د دغه ولايت يوه بل اوسېدونکي عبدالحق هم غوښتنه وکړه چې دا پکتيکا والو ته سره کرښه ده او باید د پوهنې رياست له مسوولينو د دې موضوع په اړه پلټنه وشي.

د پکتيکا د پوهني رياست هم په يوه خپره کړې خبرپاڼه کې ياده موضوع منلې خو زياتوي چې پوهنې ریاست له سوېلي وزیرستانه برمل ولسوالۍ ته د پاکستاني ملېشو له ظلمونو راغلو کډوال ته ښوونځي جوړ کړل.

د سرچينې په وينا، د ملګرو ملتونو د يونيسف او يو ان اچ سي ار موسسو د دوه ميليونه ډالرو په ارزښت یادو ښوونځيو ته د دوی د نصاب مطابق کتابونه چاپ کړل چې بايد ګډوالو ته تدريیس شي، خو د وخت مسوولينو له لوري په ګودام کې ساتل شوي دي.

ورته راپورونه:

نظر ورکړئ

اعلانونه

Advertisement