د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د ننګرهار په برید کې د پنځو بريدګرو په ګډون ۲۱ کسان وژل شوي

د ننګرهار په برید کې د پنځو بريدګرو په ګډون ۲۱ کسان وژل شوي

Mar 06, 2019 - 12:20

جلال اباد (پژواک، ١٥ کب  ٩٧): د ننګرهار ولايت هوايي ډګر ته څېرمه پر يوه ودانيز شرکت ډله ييز بريد د پنځو بريدګرو او د یاد شرکت د ١٦ کارکوونکو پر وژل کېدو پاى ته ورسېد.

د ننګرهار د والي وياند عطاءالله خوږياڼي د کب په ١٥مه پژواک خبري اژانس ته د دغه شرکت د ١٦ کارکوونکو د وژل کېدو په تاييد وويل چې يوې ډلې وسله والو نن سهار وخته هوايي ډګر ته څېرمه د اي بي اي په نوم پر يوه ودانيز شرکت ډله ييز بريد وکړ.

هغه زياته کړه چې دوو بريدګرو په ځان پورې تړلو چاودېدونکو توکو ته چاودنه ورکړې او درې نور د امنيتي ځواکونو له لوري ووژل شول.

د خوږياڼي په وينا چې د امنیتي ځواکونو له لوري دمګړۍ په سیمه کې تصفیوي عملیات جریان لري.

دى وايي، امنیتي ځواکونو دغه راز د بریدګرو دوه واسکټونه، یو موټربم، د تروریستانو له خوا ځای پر ځای شوي لاسي بمونه او ګڼ نور توکي هم له منځه وړلي دي .

د ننګرهار د عامې روغتيا رياست وياند انعام الله مياخېل پژواک ته وويل چې روغتون ته ٩ ټپيان ور وړل شوي چې د يوه روغتيايي حالت د اندېښنې وړ ښودل شوى دى.

د دغه بريد مسووليت تر اوسه چا پر غاړه نه دى اخيستى.

ورته راپورونه:

نظر ورکړئ

اعلانونه

Advertisement