د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

داعش ډلې د ننګرهار د پروني ډله ييز بريد مسووليت ومانه

داعش ډلې د ننګرهار د پروني ډله ييز بريد مسووليت ومانه

Mar 07, 2019 - 10:34

جلال اباد (پژواک،۱۶ کب ۹۷): د داعش ډلې په ننګرهار کې پر يوه ساختماني شرکت د پروني ډله ييز ځانمرګي بريد مسووليت منلی دی.

له دې سره هم مهاله د ننګرهار چارواکو د دغه بريد د مرګ ژوبلې ارقام راټيټ کړي او ويلي يې دي چې بريد کې يوازې د شرکت يوولس کار کوونکي وژل شوي دي.

پرون د سهار په درې بجو پنځو بريدګرو د ننګرهار د بهسودو ولسوالۍ اړوند د جلال اباد هوايي ډګر ته څېرمه د EBE په نوم پر يوه ساختماني شرکت باندې بريد وکړ چې جګړې نږدې شپږ ساعته دوام درلود.

د داعش ډلې په خپله رسنيزه برېښنايي پاڼه اعماق کې د دغه بريد مسووليت منلى دی.

بلخوا د ننګرهار د والي وياند عطاء الله خوږياڼي د کب په ۱۶مه پژواک اژانس ته وويل، چې پروني بريد کې پنځه بريدګر او ۱۱ تنه د EBE ساختماني شرکت کار کوونکي وژل شوي دي.

دی وايي، په دغه بريد کې د دغه شرکت ۹ نور کار کوونکي ټپيان شوي هم دي چې پنځه تنه يې تر درملنې وروسته کورونو ته رخصت شوي او د څلورو روغتيايي وضعيت نازک دی چې اوس هم په روغتون کې تر درملنې لاندې دي.

تر بريد وروسته چارواکو رسنيو ته وويل چې د چاودېدونکو توکو يو ډک موټر او ځينې نور چاودېدونکي توکي يې هم کشف او له منځه وړي چې د جګړې سيمې په شاوخوا کې د نورو پېښو د رامنځته کېدو لپاره ځای پرځای شوي وو.

ورته راپورونه:

نظر ورکړئ

اعلانونه

Advertisement