د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

لغمان کې د هوايي بمباريو غبرګون کې لاريون وشو

لغمان کې د هوايي بمباريو غبرګون کې لاريون وشو

Mar 12, 2019 - 16:30

مهترلام (پژواک، ۲۱ کب ۹۷): د لغمان د بادپښ ولسوالۍ يو شمېر اوسېدونکو په خپله سيمه کې د بهرنيو ځواکونو د عملياتو په غبرګون کې لاريون وکړ.

دوی غوښتنه وکړه چې سيمه کې دې يې د هوايي بمباريو مخه ونيول شي او  ګواښ يې وکړ که دغه ځل ورته اقدام ترسره شي، نو دوی به هم سخت غبرګون وښيي.

لاريون کوونکو د کب په ۲۱مه د مرکز مهترلام ښار اړوند د ولايت مقام مخې ته ورغلي وو او د مرګ پر امريکا، مرګ د امریکا پر غلامانو، ړندې بمبارۍ نه منو او د ملکي مرګ ژوبلې مخه دې ونيول شي شعارونه يې ورکول.

دوى ويل، دا په تېر يوه کال کې څويم ځل دی چې افغان امنيتي ځواکونه د بهرنيو ځواکونو په ملتيا د دوی په سيمه کې عمليات او بمبار کوي او ملکي وګړو ته مرګ ژوبله اړوي.

د لاريون کوونکو شمېر نږدې درې سوه کسانو ته رسېده او له ځان سره يې د مړو عکسونه او بېنرونه هم راوړي وو.

د دوى له ډلې د بادپښ ولسوالۍ د ګړوچ سيمې اوسېدونکي عجب ګل وويل چې د تېرې چهارشنبې په ورځ يې د بهرنيو او افغان ځواکونو په عملياتو او بمبار کې د کورنۍ ۹ غړي وژل شوي.

نوموړی زياته کړه، په مړو او ټپيانو کې ښځې او ماشومان هم شامل دي چې له وسله والو سره يې هېڅ تړاو نه درلود.

دغه راز د لاريون يو بل ګډونوال عبدالله وويل چې دوی څو ځلې مخکې هم د بهرنيو ځواکونو د هوايي بمبارۍ له امله ولايتي ادارې ته شکايت کړی و، خو هېڅ ګټه يې ونه کړه.

يوه قومي مشر ملک الفت الله خان ګواښ وکړ چې که د يادو بريدونو مخه ونه نيول شوه، نو خلک به ورته غبرګون څرګند کړي.

د لغمان د والي وياند اسدالله دولتزی بيا وايي، دولتي پلاوی د دې څېړنه کوي چې بادپښ کې د وروستيو عملياتو پر مهال ملکي وګړو ته مرګ ژوبله اوښتې او وسله والو ته.

نوموړي وويل امنيتي ځواکونو ته په وروستۍ نظامي غونډه کې په کلکه ويل شوي وو چې د ملکي مرګ ژوبلې مخه دې ونيسي.

دا په داسې حال کې ده چې څه موده وړاندې د بادپښ ولسوالۍ خلکو د سيمه ييزو وسله والو په ملتيا پر جلال اباد او مهترلام ښارونو له دې له امله برېښنا بنده کړې وه چې ګواکې هلته پر ملکي وګړو بمبار کېږي.

ورته راپورونه:

نظر ورکړئ

اعلانونه

Advertisement