د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په هرات کې یو ماشوم د انسان تښتوونکو له منګو و ژغورل شو

په هرات کې یو ماشوم د انسان تښتوونکو له منګو و ژغورل شو

Mar 14, 2019 - 18:01

کابل (پژواک، ٢٣ کب ٩٧): د هرات د پولیسو ویاند وايي، د یاد ولایت پولیسو د هرات ښار په درېیمه ناحیه کې د انسان تښتوونکو له منګولو یو دوه کلن تښتول شوی ماشوم ژغورلی او د قضیې په تور یې دوه کسان هم نیولي دي.

د هرات د پولیسو ویاند عبدالاحد وليزاده وویل، پولیس توانېدلي چې یاد ماشوم نن د دغه ولایت د انجیل ولسوالۍ په کارته ګلخانه سیمه کې له تښتوونکو څخه وژغوري.

وليزاده زیاته کړه، د دې پېښې دوه اصلي عاملین «یوه ښځه او د هغې خاوند» نیول شوي دي.

د نوموړي په وینا، د دې پېښې د تړاو په تور نیول شوې ښځې له څه مودې راهیسې د تښتول شوي ماشوم په سیمه کې ژوند کاوه او مرسته یې ټولوله.

ولیزده وویل، نیول شوو کسانو په خپل جرم اعتراف کړی دی.

دا په داسې حال کې ده چې انسان تښتوونکو د کب په ۱۹ مه د کابل ښار د ۱۱ مې ناحیې څخه یوه شپږکلنه ماشومه تښتولې وه او د ماشومې د کورنیو له خوا یې د پیسو د نه تر لاسه کېدو پر مهال وژلې وه.

ولسشمر غني اړوند ارګانونو ته امر کړی چې د یادې ماشومې د اختطاف او وژنې قضیه په جدي توګه و څېړي او عاملانو ته یې  د نافذه قوانینو مطابق جزا ورکړي.

دغه راز د لویې څارنوالۍ ویاند جمشېد رسولي له امنیتي او کشفي ارګانونو و غوښتل چې یاده قضیه ژر بشپړه او څارنوالۍ ته ولېږي.

 نوموړي وویل: ((دا ډول پېښې د منلو وړ نه دي او زموږ په کلتور کې ځای نه لري، د عدالت لاس اوږد او قوي دی او جنایت د منلو وړ نه دی.))

نښه: 

ورته راپورونه:

نظر ورکړئ

اعلانونه

Advertisement