ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د روغتيايي خدمتونو د کيفيت د ودې په موخه درې قراردادونه لاسليک شول

د روغتيايي خدمتونو د کيفيت د ودې په موخه درې قراردادونه لاسليک شول

author avatar
17 Mar 2019 - 18:56
د روغتيايي خدمتونو د کيفيت د ودې په موخه درې قراردادونه لاسليک شول
author avatar
17 Mar 2019 - 18:56

کابل (پژواک، ٢٦ کب ٩٧): په هېواد کې د روغتيايي خدمتونو د کيفيت د ودې په موخه درېيو هندي بنسټونو له يوې افغانۍ کمپنۍ سره د ٦،٥ ميليونو ډالرو په ارزښت قراردادونه لاسليک کړل.

د عامې روغتیا وزیر فیروزالدین فیروز نن په دې اړه جوړه شوې غونډه کې وویل، دغه هوکړه لیکونه د درېيو هندي خصوصي روغتيایي شرکتونو له خوا د افغانستان "رویال سټارفارما" خصوصي روغتیایي شرکت سره لاسليک شول.

ده وویل، په دغه هوکړه لیکونو کې مجهز تشخیصیه مرکز، د پښتورګو د درملنې پرمختللى مرکز او د درملو د توليدي فابريکې ودانول شامل دي چې اټکل شوى ارزښت يې ٦،٥ ميليونه ډالرو ته رسېږي.

د نوموړي په خبره، دغه قراردادونه د امريکا نړيوالې پراختيايي ادارې په ملاتړ د ٢٠١٨ کال "د سوکالۍ په لور: د هند – افغانستان د سوداګرۍ او پانګونې نندارتون" په ترڅ کې تر خبرو وروسته لاسليک کېږي.

هغه زیاته کړه، د دغو مرکزونو په جوړولو سره به نه یواځې دا چې هېوادوالو ته به روغتیايي خدمات وړاندې شي، بلکې بهر ته د درملنې لپاره به د تللو کچه کمه شي او هم به يو شمېر هېوادوالو ته د کار زمینه برابره شي.

فيروز وايي چې درې کاله مخکې ٥ سلنه د افغانستان د اړتيا درمل د هېواد دننه توليدېدل، خو اوس تر ٢٠ سلنه پورې درمل په هېواد کې توليدېږي.

به افغانستان کې د امريکا نړيوالې پراختيايي ادارې رئيس پيټر ناتيالو وويل چې د روغتيا سکتور کې د پانګونې زياتېدل د روغتيايي خدماتو وړاندې کولو ترڅنګ د کاري فرصتونو په رامنځ ته کولو او د مهارتونو په ودې کې اغېزمن رول لري.

د عامې روغتيا وزير دغه راز وويل چې د هالنډ یوه پوهنتون په افغانستان کې په تېرو درېيو مياشتو کې یوه څېړنه کړې چې د دغې څېړنې له مخی ۳.۷ سلنه افغانان د روغتیایي خدماتو لپاره له هېواده بهر ځې چې دا د دې ښکارندويي کوي چې له ۹۵ سلنې څخه زیات خلک د هېواد په دننه کې تداوي کېږي.

دى زياتوي: "درې کاله مخکې زمونږ هېوادوال د زړه، سږو او مفصل د عملیاتو لپاره بهر ته تلل، خو نن ورځ دغه عملیات کابل ښار او حتی په ولایاتو کې ترسره کېږي."

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.