ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د ولسي جرګې مخکښ نوماندان : د ملي شورا اوولسمه دوره دې ژر  پرانیستل شي

د ولسي جرګې مخکښ نوماندان : د ملي شورا اوولسمه دوره دې ژر پرانیستل شي

author avatar
19 Mar 2019 - 18:44
د ولسي جرګې مخکښ نوماندان : د ملي شورا اوولسمه دوره دې ژر  پرانیستل شي
author avatar
19 Mar 2019 - 18:44

کابل (پژواک،۲۸ کب ۹۷): د ولسي جرګې یو شمېر مخکښ نوماندان د پاتې حوزو د ټاکنو د پایلو د ژر اعلانېدو غوښتنه کوي او وايي، د ملي شورا اوولسمه دوره دې ژر تر ژره پرانیستل شي.

د هېواد په ۳۲ ولایتونو کې د ولسي جرګې ټاکنې د تلې په ۲۸ مه او ۲۹ مه او په کندهار ولایت کې د لړم پر پنځمه ترسره شوې او له هغه وروسته ولسمشر د یوه فرمان له مخې د ټاکنو قانون تعدیل او د ټاکنیزو کمېسیونونو ټول غړي یې له دندو لرې کړل. د ټاکنیزو کمېسیونونو نوو غړو د کب په ۱۳ مه لوړه وکړه.

د قانون پر اساس، د ملي شورا د اوولسمې دورې لومړۍ ناسته باید د ولسمشر له خوا د روان کال د کب په ۱۶ مه پیل شوې وای، خو د ولسمشر ویاند ویلي چې د ملي شورا د اوولسمې دورې ناسته د پاتې حوزو د ټاکنو تر اعلان وروسته ترسره کېږي.

نن د ولسي جرګې شاوخوا ۵۰ نوماندانو چې ځینو یې وروستي نوملړ ته لار موندلې او یو شمېر نور لومړني لېست ته بریالي شوي په یوه ناسته کې د پاتې حوزو د ولسي جرګې د وروستیو پایلو د ژر اعلانېدو غوښتنه وکړه.

د یادو شاوخوا ۵۰ نوماندانو په ګډه خبرپاڼه کې راغلي: ((له بده مرغه موږ شاهد یو چې ځينې داخلي او بهرنۍ کړۍ د سولې بهیر د ګډوډۍ، د نظام د کمزوري ښکارولو او خپلو شخصي ګټو د ترلاسه کولو لپاره مټې بډوهلې او عملي کار کوي، خو په دغه ډول حساسو شرایطو کې د هېواد د درې ګونو قواوو موجودیت او فعال پاتې کېدل د ملي ګټو او ثبات د ټینګښت ضامن دي.))

سرچینې ویلي، د مقننه قوې نشتون د حکومت او نظام د کمزورتیا لامل کېږي.

په خبرپاڼه کې راغلي: ((په دې وروستیو کې یو شمېر کسان د ټاکنو د پایلو د ځنډېدو لپاره پر دواړو ټاکنیزو کمېسیونونو مستقیم او غیر مستقیم فشار راوړي.))

د مخښکو نوماندانو په خبرپاڼه کې راغلي: ((په ولسواکو نظامونو کې د اساسي قانون پر اساس درېیمه قوه «پارلمان» دوو نورو قوو ته مشروعیت ورکوي، له همدې امله له دواړو کمېسیونونو څخه په درنښت هیله کوو چې د خلکو رایو ته احترام وکړي، د ټاکنو بهیر او ټاکنو د پایلو مخه ونه نیسي او ژر تر ژره باید د ولسي جرګې وروستۍ  پایلې اعلان کړي، ځکه د وروستیو پایلو ځنډول به په هېڅ صورت د خلکو لپاره د منلو وړ نه وي.))

د نننۍ ناستې ګډونوالو د ټاکنو د څار له ملي او نړیوالو بنسټونو غواړي چې خپلې دندې ته دوام ورکړي څو ژر تر ژره د پاتې ولایتونو پایلې اعلان، نظام بشپړ او د ولسي جرګې اوولسمه دوره پیل شي.

په خبرپاڼه کې د شورا د پرانیستې د نېټې پر ټاکلو  د ټينګار ترڅنګ راغلي، د ولسي جرګې د وروستیو پایلو د اعلان ځنډول د ولسواکۍ نظام تر پوښتنې لاندې له راوستو او د دېموکراسۍ او ولسواکۍ نظام پر تابوت له مېخ وهلو پرته بل څه نه دي.  

د فراه د خلکو استازي همایون شهیدزاده چې ټاکنو کمېسیون ورته باور لیک هم ورکړی رسنیو ته وویل: ((زموږ هېواد له ډېرو حساسو شرایطو سره مخامخ دی او د هېواد درېیمه قوه نشته، دغه قوه د هېواد، خلکو او نظام د بقا لپاره دېره مهمه ده او د اړوندو چارو د ترسره کولو لپاره یې باید په رسمي ډول چارې پیل شي.))

د نوموړي په خبره، د سولې د لویې مشورتي جرګې او ولسمشرۍ ټاکنو د ترسره کېدو او سولې بهیر د پر مخ وړلو لپاره باید مقننه قوه کار پیل کړي، څو وکولای شي په دغه بهیر کې مهم او زغنده رول ولوبوي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.