د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پکتيکا پوهنتون د ليليې جوړولو چارې پيل شوې

د پکتيکا پوهنتون د ليليې جوړولو چارې پيل شوې

Mar 19, 2019 - 17:14

ښرنه(پژواک، ٢٨ کب ٩٧): د ١٢٠ ميليونه افغانيو په لګښت پکتيکا پوهنتون ته د ليليې جوړولو چارې پيل شوې.

د اړوندې موضوع په اړه جوړو شويو مراسمو ته د پکتيکا والي مجيب الرحمن څمکني وويل چې دغه ليليه د يو کال په موده کې په پنځو پوړونو کې جوړيږي.

والي وايي چې د دغې ليليې پر جوړلو ١٢٠ ميليونه افغانۍ لګول کيږي او د څلور زره کسانو د استوګنې وړتيا به ولري.

هغه زياته کړه: ((د دې ليليې په جوړېدو سره به د محصلينو ستونزې تر  ډېره هوارې شي.))

دغه راز د پکتيکا پوهنتون رييس علي جان عادل وويل چې د دغې ليليې په جوړېدو سره به د ولسواليو او نورو ولايتونو د محصلينو د استوګنې ستونزه هواره شي.

ده وويل چې د دې ليليې د جوړېدو له چارو څخه په دوامداره توګه څارنه کوي، ترڅو هرڅه يې معياري جوړ شي.

په دې اړه د پکتيکا پوهنتون يو تن محصل محمد نور پژواک ته وويل: ((زه د وردګو اصلي اوسېدونکى يم، دلته پوهنتون وايم، درې کاله مې تېر شوي دي، دا ټول کلونه مې د ښرنې په بازار کې کوټه نيولې وه، هلته مې تېر کړي دي.))

د يادونې ده چې تېره ورځ د لومړي ځل لپاره په پکتيکا کې دنجونو لپاره د لېسې د جوړولو چارې هم پيل شوې.

ورته راپورونه:

نظر ورکړئ

اعلانونه

Advertisement