د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

اندرابي: هغه مجرمين تر تعقيب لاندې دي چې لېستونه يې خپاره شوي

اندرابي: هغه مجرمين تر تعقيب لاندې دي چې لېستونه يې خپاره شوي

Mar 20, 2019 - 11:56

کابل (پژواک، ٢٩ کب ۹۷): د کورنيو چارو وزير وايي چې د مجرمينو د نيولو لړۍ دوام لري او خلکو ته ډاډ ورکوي چې له شره به يې خلاصوي.

د کورنيو چارو وزير مسعود اندرابي دغه څرګندونې له خبريالانو سره د يوې ناستې پر مهال وکړې.

هغه وويل چې د مجرمينو، تورو ښيښو لرونکو موټرو او نامسوولو وسله والو موجوديت او غلاوې ورته د منلو نه دي، پر وړاندې به يې جدي اقدام کوي او دې برخې ته ځانګړې پاملرنه لري.

د نوموړي په وينا، هره ورځ ورته په ښار کې د غلاوو د پېښو راپور رسېږي او دوى يې پر وړاندې ډېر جدي دي.

هغه له خلکو غوښتنه وکړه چې د مجرمينو په پېژندلو کې ورسره مرسته وکړي، څو يې له شره خلاص کړي.

اندرابي زياته کړه، د مجرمينو کوم لېستونه چې د کورنيو چارو وزارت له خوا اعلان شوي، د هغو کسانو د نيولو، تعقيب او ځاى د تثبيت چارې روانې دي او په جديت دغه موضوع تعقيبوي.

وزير د بلخ د نوي امنيه قوماندان د ګومارنې او معرفۍ په اړه وويل چې نوى امنيه قوماندان د ولسمشر په حکم تعيين شوى و او ده د دولت د يوه مامور په توګه دنده درلوده چې هغه معرفي کړي چې همداسې يې وکړل.

اندرابي په کورنيو چارو وزارت کې د اصلاحاتو يادونه هم وکړه او ويې ويل چې دوى هم په وزارت کې ښه ساختار لري او هم ښه انرژي چې د دغو دواړو وصلول په کار دي.

اندرابي زياته کړه چې د وزارت په رهبرۍ کې د ځوان نسل راوستل او مسووليت ورته سپارل هغه څه دي چې دى يې عملي کېدو ته ژمن دى.

نوموړې وايي چې دى به د پوليسو کړنې په دقيقه توګه څاري او په دې برخه کې عملي اقدام شوى.

ده د کابل ښار د امنيت خونديتوب، د پوليسو د تلفاتو کمښت، د نامسوولو وسله والو، انسان تښتوونکو، زورواکو او مافيايي کړيو پر وړاندې د قاطع اقداماتو په اړه ځينې اشارې وکړې او ويې ويل چې دوى به په ډېر سرعت او ښه تاکتيک مخې ته ولاړ شي او خلک به يې د هرې ورځې په تېرېدو د لاسته راوړنو شاهدان وي.

نښه: 

ورته راپورونه:

نظر ورکړئ

اعلانونه

Advertisement