د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

خليلزاد: د سولې لاره نه اسانه ده او نه هم مستقيمه

خليلزاد: د سولې لاره نه اسانه ده او نه هم مستقيمه

Mar 20, 2019 - 15:42

کابل (پژواک، ٢٩ کب ٩٧): د افغانستان د سولې لپاره د امریکا ځانګړى استازى زلمى خليلزاد وايي چې د سولې پروسه لا هم له ګڼو کړاوونو ډکه ده.

نوموړي دغه څرګندونې په امريکا کې د افغانستان له سفيرې مېرمن رويا رحماني سره تر ليدنې وروسته په خپله ټويټرپاڼه کې د يوه پوسټ په ترڅ کې کړې دي.

هغه زياته کړې چې پرون يې له افغان سفيرې رويا رحماني سره د نورو موضوعاتو تر څنګ د افغانستان د سولې په پروسه کې د تېرو او راتلونکو  اقداماتو په اړه خبرې کړې دي.

خليلزاد ويلي: ((پر کومه لاره چې موږ روان يو، نه اسانه ده او نه هم مستقيمه، بلکې له کړاوونو ډکه لاره ده.))

د نوموړي په وينا، د دې لپاره چې پر لاره سم روان و اوسو، دا مهمه ده چې بايد په ګډه ولاړ شو.

د يادونې ده، زلمي خليلزاد له وسله والو طالبانو سره په قطر کې د سولې پنځه پړاوه خبرې کړې دي او تېره مياشت يې په پنځم پړاو کې د ځينو مهمو پرمختګونو خبر ورکړى دى.

هغه ويلي چې له طالبانو سره د ځواکونو پر ايستلو او له ترهګرۍ سره مبارزه کې هوکړې ته رسېدلي او بل پړاو کې به پر اوربند او بين الافغاني مذاکراتو خبرې کېږي.

خو خليلزاده دا هم په ډاګه کړې، څو پورې چې پر ټولو موضوعاتو هوکړه نه وي شوې، پر هېڅ هم هوکړه نه کېږي.

ورته راپورونه:

نظر ورکړئ

اعلانونه

Advertisement