د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ننګرهار کې د سولې په نوم د زیتونو لوی بڼ جوړېږي

ننګرهار کې د سولې په نوم د زیتونو لوی بڼ جوړېږي

Mar 20, 2019 - 14:43

جلال اباد (پژواک، ۲۹ کب ۹۷): په ننګرهار کې يو خصوصي شرکت د دغه ولايت د کانال د پراختيا او بيارغونې لپاره د ۱۱زره نيالګيو لرونکي د زيتون د يو ستر باغ د جوړېدو کار پيل کړ.

چارواکو دغه بڼ د سولې په نوم ونوماوه او هيله يې څرګنده کړه چې د حاصل په رسېدو سره به يې د زيتونو په حاصلاتو کې ډېروالی راشي.

د ننګرهار کانال پروژه څلور لسيزې وړاندې پيل شوې چې له ۱۷۰۰ هکټاره ډېره ځمکه کې يې د زیتونو باغونه رغول شوي، خو تېرو څو لسیزو جګړو يادو باغونو ته زيان رسولی او ډېرې برخې يې له منځه وړل شوې دي.

د کب په ۲۹مه د کريمزي په نوم يو خصوصي شرکت په خپله مرسته د دغو باغونو د يوې برخې د بيارغونې کار پيل کړ او ټاکل شوې د ۱۱۰۰۰ بوټو په نيالولو سره يو غټ باغ جوړ شي.

د ننګرهار والي شاه محمود مېاخېل چې د دغه باغ د کارونو د پيل مراسمو ته ورغلی و، هيله وښوده چې د ياد باغ په رغېدو سره د کانال پروژه بيا پرمختګ وکړي او نور سوداګر هم ورته اقدام ترسره کړي.

دی وايي، د نيالګيو له کرلو د هغه د ساتنې او پالنې موضوع ډېره مهمه ده چې د کانال رياست به خپله برخه کې پوره زيار ګالي؛ خو ولس هم بايد دغې برخې کې همکاري وکړي.

د ننګرهار د کانال رييس پروېز عليشنګي وويل، دغه بڼ په ۱۰۰ جريبه ځمکه کې رغول کېږي او ټولټال به په کې ۱۱۰۰۰ نيالګي کېنول شي.

د نوموړي د معلوماتو له مخې، د ننګرهار کانال ۱۷۲۰ هکتاره ځمکو باندې د زيتونو باغونه موجود دي چې د ډېرو باغونو ځينې برخې يې د جګړو له امله له منځه تللې دي.

د کريمزي شرکت مشر رحمت الله کريمزي وويل، دا يې د هېواد او په ځانګړي توګه د ننګرهار په ابادۍ کې لومړی ګام دی، راتلونکي کې به د کانال د بيارغونې لپاره ځينې نورې برنامې هم ولري.

هغه ډاډ ورکړ چې د سولې په بڼ کې د نيالګيو کرلو سربېره به د هغو ساتنه او پالنه هم کوي.

دا له تېرو څو لسيزو راهيسې لومړی ځل دی چې د ننګرهار کانال د زيتون باغونو کې د نوو نيالګيو کېنولو ګام اخيستل کېږي.

ورته راپورونه:

نظر ورکړئ

اعلانونه

Advertisement