پاراخ(پژواک، ۲ ورى ۹۸): د پنجشېر چارواکي وايي چې د دغه ولايت سيند ته د يوه موټر د لوېدو له امله يو کس مړ او اووه نور ټپيان شوي دي.
د پنجشېر ولايت د مطبوعاتو مسوول محمد منصور عنابي پژواک اژانس ته وويل چې دغه پېښه تېره ورځ ناوخته د عنابې ولسوالۍ د پنج پيران په سيمه کې رامنځته شوې.
د نوموړي په وينا، په دغه سراچه موټر کې ټول سپاره کسان نارينه او د کاپيسا ولايت اوسېدونکي وو چې پنجشېر ته د تفريح لپاره راغلي وو.
هغه د ټپيانو روغتيايي حالت د ډاډ وړ وباله .
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن