د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په کندهار کې د ماین چاودنې پنځو ملکي وګړو ته مرګ ژوبله اړولې

په کندهار کې د ماین چاودنې پنځو ملکي وګړو ته مرګ ژوبله اړولې

Mar 22, 2019 - 14:27

کندهار (پژواک، ۲ وری ۹۸): د کندهار په شاولیکوټ ولسوالۍ کې پر ملکي وګړو د ماین چاودنه شوې چې يو کس یې وژلی او څلور نور یې ټپيان کړي دي.

دغه پېښه نن له غرمې مخکې د يادې ولسوالۍ په چنار کلي کې شوې ده.

د کندهار امنیه قوماندان تورنجنرال تادین خان پژواک خبري اژانس ته وویل، د ښځو او ماشومانو په ګډون د یوې کورنۍ غړي چې په خپل موټر کې د نوي کال د خوښیو نمانځلو په موخه د تفریح لپاره چېرې روان وو چې د سړک غاړې ماین چاودنه ورباندې وشوه.

هغه زیاته کړه، په دې پېښه کې موټر چلوونکی وژل شوی او د ښځو او ماشومانو په ګډون په کې  څلور کسان سخت ټپيان شوي دي.

دی وايي، له پېښې سمدستي وروسته پولیس سیمې ته رسېدلي او ټپیان یې د درملنې لپاره روغتون ته لېږدولي دي.

د ده په خبره، دغه ماین د وسله والو طالبانو له خوا تازه ځای پر ځای شوی و چې ملکي وګړي یې ښکار شول.

خو وسله والو طالبانو تر اوسه په دې اړه څه نه دي ویلي.

شاولیکوټ ولسوالي د کندهار ښار په شمال کې د ۴۰ کیلو متره په واټن پرته ده چې د نوي کال او پسرلي په ورځو کې ډېر خلک د تفریح او مېلې لپاره ورځي.

د یوه بل خبر له مخې، د همدې ولسوالۍ په سره سخر سیمه کې د وسله والو طالبانو او امنیتي ځواکونو تر منځ نښته شوې چې دواړو لورو ته په کې مرګ ژوبله اوښتې ده.

امنیه قوماندان وايي، لومړی وسله والو د پولیسو پر امنیتي پوستو برید وکړ چې د پولیسو په ځوابي برید کې ۶ وسله وال وژل شوي او ۸ نور ټپيان شوي دي.

د ده په خبره، په دې جګړه کې ۳ پولیس هم ټپيان شوي چې روغتیايي وضعیت یې ښه ښودل شوی دی.

وسله والو طالبانو په دې اړه څه نه دي ویلي.

ورته راپورونه:

نظر ورکړئ

اعلانونه

Advertisement