کابل (پژواک،٣ وری ٩٨): نن په کابل ښار کې د ترې شنبې په پرتله د لومړنیو توکو په بیو کې تغییر نه دی راغلی.
د کابل ښار د خوراکي توکو د سوداګرو د ټولنې رییس پژواک خبري اژانس ته وویل، نن د تېرې شنبې په څېر په عمده توګه د ۴۹ کیلو ګرامه قزاقي اوړو بیه ۱۳۶۰ افغانۍ، د ۴۹ کیلو ګرامه پاکستانۍ بورې بیه ۱۷۰۰ افغانۍ، د یوې بوجۍ لومړۍ سېله پاکستانیو وریجو بیه ۲۰۰۰ افغانۍ او ۱۶ لېتره خورشید غوړي زر افغانۍ ده.
دغه راز د نوراحمد خیرخواه په نوم د کابل ښار د منډوي یوه چای پلورونکي وویل، نن د تېرو اوو ورځو په څېر یوه کیلو شین اندونیزیايي چای په ۲۸۰ او یو کیلو تور افریقايي چای په ۳۰۰ افغانۍ پلوري.
د ځینو موادو پرچون بیې په یو شمېر مواردو کې کم خو په ځينې مواردو کې ډېر توپیر لري.
د احمد صمیم په نوم د تایمني په دیارلسم سړک د خوراکي توکو یوه پلورونکي وویل، نن د ۵۰ کیلو ګرامه قزاقي اوړو پرچون بیه ۱۳۲۰ افغانۍ، د ۴۹ کیلو ګرامه پاکستانۍ بورې بیه ۱۷۵۰ افغانۍ، د ۲۴ کیلو ګرامه لومړۍ سېله پاکستانیو وریجو بیه ۲۴۰۰ افغانۍ، د ۱۶ لېتره خورشید غوړیو بیه ۱۰۸۰ افغانۍ، د یوه کیلو شنه اندونیزیايي چاى بیه ۳۰۰ افغانۍ او یو کیلو تور افریقايي چای په ۳۵۰ افغانۍ پلورل کېږي.
د سون موادو بیې هم پر خپل حال پاتې دي.
د کابل ښار د وزیراباد د تیلو ټانک یوه کارکوونکي عبدالهادي وویل، نن د تېرې شنبې په څېر د یوه لېتر پټرولو بیه ۴۹ افغانۍ او یوه لېټر ډیزل په ۴۸ افغانۍ پلورل کېږي.
د کابل ښار د تایمني د څلورم سړک یوه چای پلورونکي احمد جاوېد وویل، نن د تېرو اوو ورځو په څېر یو کیلو مایع ګاز په ۶۵ افغانۍ پلوري.
د سرو زور بیو هم تغییر نه دی کړی.
د کابل ښار د تېمور شاهي واټ یوه زرګر حاجي احمد فواد صالح زاده پژواک ته وویل، نن د تېرې شنبې په څېر یو ګرام ۷۵۰ عیاره عربي سره زر په ۲۵۰۰ افغانۍ او یوه ګرام ۵۸۵ عیاره روسي سره زره په ۲۰۰۰ افغانۍ پلوري.
د کابل د شهزارده سرای د صداقت صرافۍ مالک حاجي میرحسن وویل، نن د یوه امریکايي ډالر ارزښت ٧٥.٦٠ افغانۍ او زر پاکستانۍ کلدارې په ۵۳۷ افغانۍ بدلېږي.
د ۱۳۹۷ کال د کب پر ۲۵ مه د یوه امریکايي ډالر ارزښت ٧٥.٤٠ افغانۍ او زر پاکستانۍ کلدارې په ۵۴۱ افغانیو بدلېدلې.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن