د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

طالبانو له خلکو غوښتي چې خپل اولادونه ښوونځيو ته ولېږي

طالبانو له خلکو غوښتي چې خپل اولادونه ښوونځيو ته ولېږي

Mar 25, 2019 - 12:05

کابل (پژواک، ٥ ورى ٩٨): وسله والو طالبانو د نوي ښوونيز کال د پيل په مناسبت په خپل پيغام کې له خلکو غوښتي چې خپل اولادونه ښوونځي کې شامل کړي.

د وسله والو طالبانو د يوه وياند ذبيح الله مجاهد له خوا د وري په ٥مه رسنيو ته په يوه استول شوې خبرپاڼه کې ټولو هېوادوالو ته ډاډ ورکړل شوى چې نوی ښوونیز کال به د دوى لپاره له بریاوو او لاسته راوړنو ډک کال وي.

سرچينې زياته کړې چې تېره مياشت يې د هېواد په بېلابېلو ولايتونو کې د پوهنې برخې ستونزو د هواري او پرمختګ لپاره هر اړخیز تعلیمي سیمینارونه ترسره کړي او په نوي تعلیمي کال کې به یې عملي ګټې د تعلیم او تربیې په ډګر کې ټول هېوادوال په خپلو سترګو وويني.

طالبانو د ښوونځیو له مدیرانو، ښوونکو او د ښوونې او روزنې د څانګې له ټولو کارکوونکو هيله کړې چې د نوی ښوونیز کال په  لوړو حوصلو او نوو ولولو سره د تعلیم او تربیې او عالي تحصیلاتو له تعلیمي اصولو سره سم پیل کړي او په پوره اخلاص او صداقت سره زده کوونکو بچیانو ته د ښو زده کړود زمینې له برابرولو سره خپل ایماني او ملي رسالت اداء کړي.

دوى دغه راز له ټولو هېوادوالو غوښتنه کړې چې د ښېرازه او اباد افغانستان  لپاره د ښوونځي په عمر برابر خپل ټول ماشومان په ښوونځیو او دیني مدارسو کې شامل کړي او تر څنګ یې هغه ماشومان چې د سهار له خوا ښوونځيو ته ځي، له وخت نه وروسته په کلیوالي مدارسو کې شامل کړي، څو له ښوونځي سره هم مهاله ضروري دیني مسایل هم زده کړي.

ورته راپورونه:

نظر ورکړئ

اعلانونه

Advertisement