د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

هلمند کې ۱۴ سرحدي پولیس وژل شوي

هلمند کې ۱۴ سرحدي پولیس وژل شوي

Mar 25, 2019 - 12:09

لښکرګاه (پژواک، ٥ ورى ٩٧): د هلمند په نادعلي ولسوالۍ کې د طالبانو د بريد په ترڅ کې ١٤ سرحدي پوليس وژل شوي او يو شمېر نور ټپيان دي.

په هلمند کې يوې باوري امنيتي سرچيني د وري په پنځمه پژواک خبري اژانس ته وويل چې تېره شپه وسله والو طالبانو د نادعلي ولسوالۍ په تريخ ناور سيمه کې د سرحدي پوليسو پر پوستې بريد کړى دى.

هغه وايي چې په دغه بريد کې ١٤ سرحدي پوليس وژل شوي او يو شمېر نور ټپيان شوي دي.

خو د هلمند د والي وياند عمر ځواک بيا پژواک ته وويل چې په دغه بريد کې پنځه پوليس وژل شوي او اووه نور ټپيان شوي دي.

په دې اړه په هلمند کې د ايمرجنسي روغتون کارکوونکو پژواک ته وويل چې له نادعلي څخه تر اوسه دوى ته ١٥ امنيتي سرتېري په ټپي حالت کې ور وړل شوي دي.

بل لور ته طالبان هم دغه موضوع تاييدوي.

د دې ډلې وياند قاري يوسف احمدي وايي چې طالبانو تېره شپه په تريخ ناور کې د سرحدي پوليسو پر يو مهم مرکز بريد کړى دى.

هغه  ادعا کوي چې په دغه بريد کې ٢٥ حکومتي سرتېري وژل شوي، اته ټپيان شوي، دوه رينجر، درې ټانکونه او يو سراچه موټر له منځه وړل شوي دي.

د احمدي په وينا، په دې جګړه کې د حکومتي ځواکونو يو شمېر وسلې او مهمات هم د طالبانو لاس ته ورغلي دي.

د يادونې ده، دوه شپې وړاندې طالبانو په سنګين ولسوالۍ کې د امنيتي ځواکونو پر پوستو بريدونه کړي وو چې په ترڅ کې یې ٣٣ سرتېري وژل شوي او ٣٧ نور ټپيان وو.

ورته راپورونه:

نظر ورکړئ

اعلانونه

Advertisement