ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د کابل په سروبي کې هوايي بريد ملکي وګړو او طالبانو ته مرګ ژوبله اړولې

د کابل په سروبي کې هوايي بريد ملکي وګړو او طالبانو ته مرګ ژوبله اړولې

author avatar
26 Mar 2019 - 15:00
د کابل په سروبي کې هوايي بريد ملکي وګړو او طالبانو ته مرګ ژوبله اړولې
author avatar
26 Mar 2019 - 15:00

کابل (پژواک، ٦ ورى ٩٧): د کابل په سروبي ولسوالۍ کې په هوايي بريد کې ملکي وګړو او وسله والو طالبانو ته مرګ ژوبله اوښتې ده.

په کابل کې د امريکايي ځواکونو يوه وياند ډيبرا رچرډسن د وري په ٦مه پژواک اژانس ته وويل چې افغان ځواکونو او امريکايي سلاکارانو يې تېره شپه د کابل په سروبي ولسوالۍ کې عمليات ترسره کړي دي.

هغې زياته کړه چې د دغو عملياتو پر مهال وسله والو طالبانو پر دوى د سپکو او درنو وسلو ډزې وکړې چې له امله يې دوى د هوايي ځواک مرسته وغوښته.

د نوموړې په وينا، په دې نښته کې د سروبي ولسوالۍ لپاره د وسله والو طالبانو ولسوال له شپږو ملګرو سره وژل شوى دى.

ډېبرا وايي، له بده مرغه په دې نښته کې څلور مېرمنې او يو ماشوم هم وژل شوي دي.

د امريکايي ځواکونو وياندې وويل، دوى تل هڅه کړې چې د ملکي تلفاتو مخه ونيسي او د دې بدې پېښې په اړه يې له افغان ځواکونو سره په ګډه پلټنې پيل کړې دي.

د افغانستان د ملي دفاع او د کورنيو چارو وزارتونو وياندویانو په دې اړه معلومات نه درلودل.

وسله والو طالبانو هم تر اوسه په دې اړه څه نه دي ويلي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.