د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د سره صلیب نړیوالې کمېټې په افغانستان کې خپل فعالیت ودراوه

د سره صلیب نړیوالې کمېټې په افغانستان کې خپل فعالیت ودراوه

Apr 12, 2019 - 12:58

کابل (پژواک، ۲۳ وری ۹۸): د سره صلیب نړیوالې کمېتې د طالبانو د ګواښ له امله په افغانستان کې خپل فعالیت درولی دی.

طالبانو تېره ورځ د یوې خبرپاڼې په خپرولو سره په هغو سیمو کې د سره صلیب نړیوالې کمېټې فعالیت منعه اعلان کړ چې د دوی تر کنټرول لاندې دي.

طالبانو په هغې خبرپاڼه کې چې رسنیو ته یې لېږلې، د سره صلیب کمېټې له کړنو اندېښنه ښودلې او ویلي یې دي چې د روغتیا نړیوال سازمان WHO)) د واکسین برخه هم شکمنې کړنې ترسره کوي.

طالبانو د دې په څرګندولو سره چې ډېری مرستندوی بنسټونه کولای شي په افغانستان کې خپلو فعالیتونو ته دوام ورکړي، ویلي چې تر ثاني امره پورې په افغانستان کې د سره صلیب او د روغتیا نړیوال سازمان د کارکوونکو امنیت نه شي تضمینولی.

د طالبانو له دغه ګواښ وروسته د سره صلیب مسوولینو په افغانستان خپل فعالیت ودراوه.

د یادې کمېټې د رسنیو مسوول روبین واودا ویلي، تر هغه چې د سره صلیب د کارکوونکو د خوندیتوب مسئله حل نه شي، فعالیت نه پیلوي.

هغه دغه راز څرګنده کړه چې د سره صلیب کمېټه د خپلو کارکوونکو د امنیت په اړه اندېښمنه ده او هڅه کوي دغه ستونزه له طالبانو سره د خبرو له لارې حل کړي.

د روغتیا نړیوال سازمان او افغان حکومت په دې اړه تر اوسه څه نه دي ویلي.

دا په داسې حال کې ده چې تېر کال هم د طالبانو له خوا د ګواښ له امله د یادې کمېټې فعالیتونه دوه میاشتې ولاړ و او وروسته له طالبانو سره په تفاهم یې خپل فعالیتونه بېرته پیل کړل.

ورته راپورونه:

نظر ورکړئ

اعلانونه

Advertisement