د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ننګرهار کې د شپږ سوه میلیونه افغانیو په لګښت پروژې پیل شوې دي

ننګرهار کې د شپږ سوه میلیونه افغانیو په لګښت پروژې پیل شوې دي

Apr 12, 2019 - 11:25

جلال اباد (پژواک، ۲۳ وری ۹۸): د ننګرهار والي وایي، په دغه ولایت کې یو شمېر پروژې چې شاوخوا ۶سوه میلیونه افغانۍ لګښت به ولري، پیل شوې دي.

د ننګرهار ولايت د رسنيو له دفتره د وري په ۲۳مه پژواک خبري اژانس ته په رالېږل شوې خبرپاڼه کې راغلي چې شاه محمود مياخېل دغه څرګندونې د ظاهر قدیر په مشرۍ د دغه ولایت له یو شمېر قومي مشرانو او مخورو سره پرون په یوه غونډه کې وکړې.

نوموړي ویلي چې په یادو پروژو کې د غازي امان الله خان د مزار، د جلال اباد د شاهي ماڼۍ او د پاچا خان د مزار بیارغونه، د نجونو لپاره د لیلیې جوړول، جوماتونه، ټولنیز مرکز او یو شمېر نور شامل دي.

والي زیاته کړې چې ولسمشر اشرف غني د ننګرهار امنیتي، پرمختیایي او نورو برخو ته ځانګړې پاملرنه لري .

دغه راز میاخېل د ننګرهار امنیتي وضعیت د پخوا په پرتله ښه بللی او وايي چې په دغه ولایت کې د دولت د حاکمیت ساحه پراخه شوې او وسله وال مخالفین په ټولو سیمو کې ځپل شوي دي .

هغه زیاتوي چې د خوږیاڼو، حصارک او شېرزادو ولسوالیو د امنیت ټينګښت لپاره ځانګړي پلانونه لري او هڅه کوي چې ټولې سیمې تر دولتي حاکمیت لاندې راولي.

د ننګرهار د والي په خبره چې د امنیتي ځواکونو په لیکو کې پراخ بدلون رامنځته شوی او د دې تر څنګ د ملکي ادارو او ښاري نظم په برخو کې یې هم د اصلاحاتو راوستو او فساد مخنیوي لپاره هڅې روانې دي.

میاخېل دغه راز ویلي چې د قانون پلي کېدو په برخه کې به تر خپله وسه کار وکړي او په دې برخه کې یې د ننګرهار له خلکو د کلکې همکارۍ هیله وکړه.

بلخوا بیا د ولسي جرګې غړي حاجي عبدالظاهر قدیر په خپلو خبرو کې ویلي چې سیاسي اختلافات باید د ولس د ځورونې لامل نه شي.

هغه زیاته کړې چې د شخصي ګټو په موخه یې د ولایت په چارو کې لاسوهنه نه ده کړې، نه د ځمکو غاصب او قاچاقبر دی او نه هم ناقانونه وسله وال او شخصي زندان لري.

نوموړي د ننګرهار له والي وغوښتل چې د هغو کسانو په اړه څېړنه وکړي چې پر یادو ناقانونیو تورن دي .

ورته راپورونه:

نظر ورکړئ

اعلانونه

Advertisement