ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ناټو: طالبانو د سولې پر ځاى جګړه غوره کړه، موږ هم ورسره جګړه کوو

ناټو: طالبانو د سولې پر ځاى جګړه غوره کړه، موږ هم ورسره جګړه کوو

author avatar
13 Apr 2019 - 12:25
ناټو: طالبانو د سولې پر ځاى جګړه غوره کړه، موږ هم ورسره جګړه کوو
author avatar
13 Apr 2019 - 12:25

کابل (پژواک، ٢٤ ورى ٩٨) : په افغانستان کې د ناټو د روزنې ماموريت د طالبانو د پسرلنيو عملياتو په غبرګون کې وايي چې طالبانو د سولې پر ځاى جګړه انتخاب کړې او دوى ورسره جګړې ته چمتو دي.

وسله والو طالبانو پرون په ټول افغانستان کې د الفتح په نوم د پسرلنيو عملياتو اعلان وکړ، تر دې مخکې د افغانستان حکومت هم د خالد په نوم د عملياتو اعلان کړى و.

په کابل کې د ناټو د غوڅ ملاتړ ماموريت وياند ډف بټلر، وايي چې د طالبانو تر ياد اعلان وروسته ددوى ټول مشرتابه راټول شول او له افغان امنيتي ځواکونو څخه يې د خپل ملاتړ دوام اعلان کړ.

هغه په يوه ويډيويي پيغام کې زياته کړې: ((طالبانو د سولې پر ځای، تاوتريخوالی غوره کړ. له دې سربېره چې په تېرو څلوېښتو کلونو کې د لومړي ځل لپاره افغانستان کې د سولې لپاره يوه ښه زمينه برابره شوې، خو طالبانو تاوتريخوالی غوره کړ.))

د ناټو د غوڅ ملاتړ ماموريت وياند وايي، د افغانستان خلک سوله غواړي، خو طالبان پر جګړې ټينګار کوي.

د نوموړي په وينا، د ناټو قوماندان جنرال مېلر په ياده غونډه کې ويلي چې د طالبانو پيغام څرګند دی؛ هغوی جګړه غوره کړه .

جنرال مېلر زياته کړې: (( موږ هم جګړه کوو، موږ د ناټو له ټول ځواک سره له افغان امنيتي ځواکونو ملاتړ وکړ. موږ د افغان امنيتي ځواکونو ترڅنګ درېږو، ځکه چې هغوی د افغانانو ساتونکي دي.))

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.