د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د ولسي جرګې د دارالانشا رييس بهر ته له تلو وروسته استعفا ورکړې

د ولسي جرګې د دارالانشا رييس بهر ته له تلو وروسته استعفا ورکړې

Apr 13, 2019 - 13:44

کابل (پژواک، ۲۴وری ۹۸): د ولسي جرګې د دارالانشا رييس خدای نظر نصرت چې نږدې دوه کاله وړاندې په اختلاس تورن شوی و، هند ته تللی او له هغه ځایه یې خپله استعفا د دې جرګې دارالانشا ته راستولې ده.

د ولسي جرګې د دارالانشاء مرستیال رحیم الله غالب، پژواک خبري اژانس ته وویل چې د دې جرګې د دارالانشاء مشرخدای نظر نصرت له خپلې دندې استعفا ورکړې ده.

هغه وویل چې نصرت هند ته تللی  او له هغه ځایه یې خپله استعفا دارالانشاء ته رالېږلې ده.

د هغه په خبره، نصرت ویلي چې د ځینو ستونزو او ناروغۍ له امله نه شي کولى خپلې دندې ته دوام ورکړي.

غالب د هغو ګونګوسو په اړه چې ګواکې نصرت په امریکا کې ده او هلته یې پناه اخیستې، وویل: ((د امریکا له تګ څخه یې خبر نه یم؛ خو هند ته تللی و چې له هماغه ځایه یې استعفا رالېږلې ده.))

دا په داسې حال کې ده چې د ۱۳۹۶کال چنګاښ په ۳۱ مه، د ولسي جرګې د هغه مهال لومړي مرستیال همایون همایون، نصرت د اختلاس او په ناقانونه توګه د سلګونو کسانو د ګومارنې په تور، لویې څارنوالۍ ته ورپېژندلی و.

ورته راپورونه:

نظر ورکړئ

اعلانونه

Advertisement