ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

باران او سېلابونو په بغلان او پکتيا کې هم خلکو ته زيانونه اړولي

باران او سېلابونو په بغلان او پکتيا کې هم خلکو ته زيانونه اړولي

author avatar
16 Apr 2019 - 15:54
باران او سېلابونو په بغلان او پکتيا کې هم خلکو ته زيانونه اړولي
author avatar
16 Apr 2019 - 15:54

ګردېز- پلخمري (پژواک، ٢٧ ورى ٩٨): باران او سېلابونو د نورو ولايتونو تر څنګ په پکتيا او بغلان ولايتونو کې هم خلکو ته مالي او ځاني زيانونه اړولي دي.

د پکتيا ځايي چارواکي وايي چې د روان باران او سېلابونو له امله په دغه ولایت کې تر اوسه يوولس کورونه نړېدلي او د دې تر څنګ د دوو ښځو په ګډون درې کسان مړه شوي او دوه نور ټپيان دي.

د یاد ولايت له طبيعي پېښو سره د مبارزې رييس شادم خان هلال پژواک ته وويل چې په ځاځي اريوب کې د يوه کور د چت لوېدو په پېښه کې دوه ښځې مړې شوې او په څمکنيو کې سېل يو ځوان مړ کړی دی.

هلال وايي، يوه ښځه او يو سړى په اريوب کې د کور نړېدو په پېښه کې ټپيان شوي دي.

د نوموړي په وينا، د دې مرګ ژوبلې د زياتېدو احتمال شته خو سيمې د بېړني حالت د ټيمونو له رسېدو وروسته به د مالي او ځاني زيانونو کره شمېر معلوم شي.

د مسوولينو په خبره، دغه کورونه په احمدابا، سيدکرم، احمدخېل، لجه منګل، څمکني، ډنډپټان او اريوب ځاځيو ولسوالۍ کې نړېدلي دي.

د يو بل خبر له مخې، په بغلان کې د تېرو څو ورځو پرله پسې ورښتونو له امله راوتلو سېلابونو د دغه ولایت په دوشي او تاله برفک ولسوالیو کې پر دوه زره جریبه ځمکه کرل شوي غنم او لسګونه څاروي له منځه وړي.

د بغلان ولایتي شورا غړي سمیع الدین ناظر پژواک اژانس ته وویل چې له اړوندو ادارو يې د مرستو غوښتنې کړي خو تر اوسه چا ورته مثبت ځواب نه دی ورکړی.

د هغه په وينا، وايي که مرستې ونه شي، د زیانمنو سیمو اوسېدونکي به سږ کال د خوراکي توکو له کمښت سره مخ شي.

د دوشي ولسوال، صاحب داد غفوري هم په دې ولسوالۍ کې د سېلابونو له امله اوښتو زیانونو په تايید پژواک ته وویل چې دوه زره جريبه ځمکه او ٥٥ څاروي له منځه تللي دي.

په بغلان کې طبيعي پېښو ته د رسېدو ادارې مسوول مجیب الرحمن بهین وايي، د کورونو ړنګېدو راپور یې نه دی ترلاسه کړی، کرنیزو ځمکو ته یې د اوښتي زیان کچې معلومولو په موخه سیمې ته د سروې ټیم استول شوی دی.

د يادونې ده، په ټول هېواد کې د وروستيو سېلابونو او ورښتونو له امله تر ١٢٠ ډېر کسان مړه، لسګونه ټپيان او سلګونه کورونه زيانمن شوي دي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.