کابل (پژواک، ۲۸ وری ۹۸) : د افغانستان د ملي دفاع سرپرست وزیر اسدالله خالد وایي، چې سیاست د سیاستوالو کار دی، خو ملي اردو ځواکونه د سولې له داعیې دفاع کوي.
خالد دغه څرګندونې د وري په ۲۸مه، په کابل کې د کومانډو لوا دفراغت غونډې ته پخپله وینا کې وکړه، له دې لوا څخه سلګونه کومانډو سرتیري فارغ شول.
هغه زیاته کړه، چې د هیواد ملي ځواکونه له خپل او خاورې څخه دفاع کوي، ددفاع وزارت یو مرستیال په بادغیس ، بل په کندوز او درزیم په غزني کې د ملي اردو سرتیرو د جګړې په لومړۍ کرښه کې دي.
خالد کومانډو سرتیرو ته وویل : (( ستاسو له له مټو د پنجاب زړه لړزیږي.))
د ملي دفاع وزیر وویل، چې د افغانستان اردو د سولې له داعیې دفاع کوږي، خو سیاست یې د سیاستوالو کار وباله .
نوموړي د کومانډو ځواکونو ته لارښوونه وکړه، چې خپلې خاورې دفاع پیاوړي کړي.
اسدالله خالد وویل، چې دغه سرتیري به ډیر پرمختګ وکړي او یوه ورځ به جنرال او ددفاع وزیر شي.
هغه سرتیرو ته وویل، چې د ترفیع لپاره د چا دروازې نه ته ځي او پخپله وړتیا به خامخا پرمختګ کوي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن