د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

بامیان کې د ښځو د ځان بساینې په موخه مسلکي روزنيز پروګرام جوړېږي

بامیان کې د ښځو د ځان بساینې په موخه مسلکي روزنيز پروګرام جوړېږي

Apr 20, 2019 - 18:03

بامیان(پژواک، ۳۱ وری ۹۸): د سولې او ډېموکراسۍ لپاره د برابرۍ موسسه د ښځو د ځان بساینې په موخه بامیان ولایت کې د ۲۲۰ کسانو لپاره یو کلن روزنیز پروګرام جوړوي.

د سولې او ډېموکراسۍ لپاره د برابرۍ موسسې مسوولې خدیجې صفري پژواک خبري اژانس ته وویل، په دغه یوه کلن روزنیز پروګرام کې چې د ایټالیا هېواد په مالي مرسته جوړ۲۲۰ کسان روزل کېږي او د کسب له زده کړې وروسته د خیاطۍ او ګلدوزۍ وسایل هم ورکول کېږي.

 هغه زیاته کړه، د کسب زده کړه له ښځو سره مرسته کوي چې ځان بساینې حالت ته ورسېږي او په اقتصادي برخه کې له خپلو کورنیو سره مرسته وکړي.

 د بامیان د والي ټولنیزې او کلتوري مرستیالې لطیفې محسني هم وویل، دغه پروګرام له ښځو سره د اقتصادي ځان بساینې په برخه کې مرسته کوي.

د «ښځو لپاره د کسب او فن پروګرام» یوې زده کوونکې معصومې وویل، د دغه پرواګرام ګډون کوونکو ته د خیاطۍ، برک جوړولو او ګلدوزۍ مهارتونه ورښودل کېږي.

هغې زیاته کړه، د پروګرام ټول ګډونوال د ښځو چارو د ریاست او لاسي صنایعو د پراختیا د دفتر له خوا د سولې او ډېموکراسۍ لپاره د برابرۍ موسسې ته معرفي شوي دي.

د بامیان پوهنتون د کرنې پوهنځي د څلورم ټولګي محصلې او د یاد پروګرام ګډونوالې عاطفې سجادي وویل، له دې امله یې د خیاطۍ په کورس کې نوم لیکنه کړې چې له فراغت وروسته بې دندې پاتې نه شي.

نوموړې د اندېښنې په څرګندولو زیاته کړه: ((له پوهنتون څخه له فراغت وروسته له ۹۰ سلنه ډېر فارغین بې دندې پاتې کېږي، له دې امله ما هم د بېکارۍ له ډاره د خیاطۍ د زده کړو په موسسه کې نوم لیکنه وکړه.))

هغې زياته کړه، په پوهنتون کې د دې په ګډون نورې نجونې د دندې د نه پیدا کېدو له امله اندېښنه کوي او په دې اند دي چې له فراغت وروسته به دندې پیدا نه کړي.

سجادي ادعا وکړه: ((په دولتي بستونو کې زیاتره هغه کسان جذبېږي چې واسطه ولري او یا په یو ډول د رشوت په وسیله دنده پیدا کړي، خو په لیاقت هېڅکله نه جذبېږي.))

نښه: 

ورته راپورونه:

نظر ورکړئ

اعلانونه

Advertisement