د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د هلمند سيند کلنۍ دودیزه مشاعره ترسره شوه

د هلمند سيند کلنۍ دودیزه مشاعره ترسره شوه

Apr 21, 2019 - 14:04

لښکرګاه (پژواک، د غويي لومړۍ نېټه ٩٨): هلمند کې د لسګونو شاعرانو، لیکوالانو او دولتي چارواکو په ګډون د هلمند سيند کلنۍ دودیزه مشاعره ترسره شوه.

دغه مشاعره هر کال د هلمند سیند ته څېرمه د هلمند سيند په نوم جوړېږي چې د دغه ولايت د شاعرانو او ليکوالانو ترڅنګ د نورو سيمو شاعران او ليکوالان هم په کې ګډون کوي.

دغه مشاعره د نورو کلونو په څېر تېره شپه هم ترسره شوه چې د شعرونو ډېره برخه يې سولې ته ځانګړې شوې وه.

د غونډې په پيل کې د هلمند والي محمد ياسين خان وويل چې د دغه ډول پروګرامونو له جوړېدو څخه اساسي موخه يوالى او د خپل فرهنګ ساتل دي.

نوموړي ادعا وکړه چې په دغه ولايت کې د نورو ولايتونو په پرتله د شعر ويل، ډېره مخينه لري.

بل لورته د شعرونو تر ويلو وروسته د هېواد د تکړه ممثل ممنون مقصودي په ګډون يو شمېر تمثيل کوونکو تمثيلي ټوټې هم نندارې ته وړاندې کړې.

ممنون مقصودي پژواک ته وويل چې دى غواړي د خپل تمثل له لارې هېوادوال سولې ته دعوت کړي.

دغه راز مشهور شاعر پرهيز شګيوال پژواک ته وويل چې د هلمند سيند په مشاعره کې د ډېرو شاعرانو، شعرونه د سولې لپاره ځانګړي شوي وو.

هغه زياته کړه: ((زما له ټولو څخه غوښتنه دا ده چې سوله کېدونکې ده، هر يو دې په خپله برخه کې د سولې د راتګ لپاره هلې ځلې وکړي او نور دې جګړه بـس کړي.))

د يادونې ده چې دغه مشاعره هر کال د غويي په مياشت کې ترسره کيږي چې په سږنۍ مشاعره کې د هلمند د شاعرانو او ليکوالانو ترڅنګ د کابل، ننګرهار، لغمان، کونړ، ميدان وردګو، غزني، زابل، لوګر، کندهار او فره ولايتونو شاعرانو او ليکوالانو هم ګډون درلود.

ورته راپورونه:

نظر ورکړئ

اعلانونه

Advertisement