د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

څلورو ولايتونو کې شاوخوا ٢٨ کيلومتره سړک رغول کېږي

څلورو ولايتونو کې شاوخوا ٢٨ کيلومتره سړک رغول کېږي

Apr 22, 2019 - 14:22

کابل (پژواک، ٢ غويى ٩٨): په کاپيسا، پنجشېر، نيمروز او باميان کې د څه باندې ٨٠٨ ميليون افغانيو په لګښت شاوخوا ٢٨ کيلومتره سړک رغول کېږي او د لس کيلومتره سړک د څار او ساتنې چارې تر سره کېږي.

د دغو پروژو تړونونه نن کابل کې د ترانسپورټ وزير يما ياري له څلورو خصوصى شرکتونو سره لاسليک کړل.

د ترانسپورټ وزير د دغو پروژو په اړه معلومات ورکړل.

هغه وويل چې د کاپيسا د نجراب ولسوالۍ اړوند د خارج ده، کله حوت، غچولان او جورغل سيمو کې  پر څه باندې پنځه لس نيم کيلومتره سړک په ١٨ مياشتو کې د "يونيک بلدرز" شرکت له خوا قير اچول کېږي.

دغه راز هغه وايي چې د پنجشېر ولايت د رخې ولسوالۍ په پياوشت سيمه کې پر٣٠٠ متره سړک د "خشت طلايي" شرکت له خوا په درېيو مياشتو کې قير اچول کېږي .

د ده د معلوماتو له مخې، د بل تړون له مخې، د باميان ولايت په ورس ولسوالۍ کې پر ١٢ کيلومتره سړک د سنګرنيازي او غلام نبي يعقوبي شرکتونو له خوا کرېړ اچول کېږي. 

د ترانسپورټ وزير وايي، نيمروز ولايت کې د زرنج – دلارام  پر لاره  د لس کيلومتره سړک د څار او ساتنې چارې  د  "سپا" ودانيز شرکت له خوا  تر سره کېږي.

د ترانسپورټ وزارت د معلوماتو له مخې، د دغو پروژو لګښت د افغانستان حکومت او نړيوال بانک ورکوي.

ورته راپورونه:

نظر ورکړئ

اعلانونه

Advertisement