د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پکتيکا نوی امنيه قوماندان: د امنيت ټينګښت مې کاري لومړيتوب دى

د پکتيکا نوی امنيه قوماندان: د امنيت ټينګښت مې کاري لومړيتوب دى

Apr 26, 2019 - 11:34

ښرنه (پژواک،  ٦ غويى٩٨): د پکتيکا ولايت نوی امنيه قوماندان وايي، چې دفساد او خيالي پوليسو پرضد مبارزه او د امنيت ټينګښت يې په کاري لومړيتوبونو کې دي .

  امنيه قوماندان  سمونمل ايمل نيازي په هغو مراسمو کې چې دده د پېژندګلوۍ په موخه جوړ شوي و، وويل چې له  فساد سره د مبارزې په اړه جدي دی او هغه وخت به کامیاب وي چې د پولیسو لاس پاک و اوسي.

هغه وويل چې دخیالي سرتېرو او له تروریزم سره د مبارزې پر وړاندې به توند غبرګون وښيي او که په دې اړوند څوک ونیول شي نو قضایي او عدلیي ارګانونو ته به يې معرفي کړي.

د پکتيکا مرستيال والي شير بادشاه اورګوني ډاډ ورکړ چې ولايتي اداره به دامنيت په ټينګښت کې له امنيه قوماندانۍ سره اوږه په اوږه همکاري وکړي.

نوموړي هم وويل چې پکتيکا دهېواد له سرحدي ولايتونو څخه يو دی، چې دنورو ولايتونو په پرتله يې امنيت ښه دی، نو ځکه دې امنيتي مسوولين دفساد تر څنګ ددغه ولايت امنيتي برخې ته ځانګړې پاملرنه وکړي.

د پکتيکا ولايت يوه اوسېدونکي سيدا لله پژواک ته وويل، چې په دې ولايت کې کله چې نوي قوماندانان دندې پيلوي له پيله ژمنې کوي، چې دوی به دفساد، خيالي پوليسو او امنيت لپاره کار کوي، خو د وخت په تېرېدو دا برخه له پامه غورځي او دپيسو پيدا کولو په فکر  کې وي .

د يادونې ده چې له دې وړاندې په پکتيکا کې مل پاسوال روغ ليوني دقوماندان په توګه دنده تر سره کوله، چې خلکو ورباندې د غلا تور پورې کاوه.  

ورته راپورونه:

نظر ورکړئ

اعلانونه

Advertisement