د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په غزني کې تېره میاشت د طالبانو، امنیتي سرتېرو او ملکي وګړو تلفات

په غزني کې تېره میاشت د طالبانو، امنیتي سرتېرو او ملکي وګړو تلفات

Apr 27, 2019 - 15:44

غزني ښار (پژواک، ٧ غويی ٩٨): د غزني والي وايي چې په تېره يوه مياشت کې پر وسله والو طالبانو شاوخوا سل عملياته ترسره شوي چې په ترڅ کې یې ٢٥٣ طالبان، ٣٤ امنيتي سرتېري او اووه ملکي وګړي وژل شوي خو طالبان بيا دغه خبرې ردوي.

دا څرګندونې د غزني والي وحيدالله کليمزي د غويي په اوومه په مرکز غزني کې يوې خبري غونډې ته کړې دي.

کليمزی وايي چې په تېره يوه مياشت کې افغان او بهرنيو ځواکونو د ځمکې او هوا له لارې پر طالبانو سل عملياته ترسره کړي چې له لاسته راړونو ډک وو.

ده وويل چې د دغو عملياتو په ترڅ کې ٢٥٣ وسله وال طالبان وژل شوي، ٤٩ ټپيان شوي او ٤٠ نور ژوندي نيول شوي دي.

والي دا هم وويل چې د يادو عملياتو پر مهال ٣٤ امنيتي سرتېري وژل شوي او ١٧ نور ټپيان شوي دي.

د کليمزي د معلوماتو له مخې، د دغو عملياتو پر مهال اووه ملکي وګړي وژل شوي او ١٥ نور ټپيان شوي دي.

هغه زياته کړه: ((په تېر ژمي کې زموږ تشکيل کم و، خو اوس دغه ستونزه رفعه شوې او زموږ تشکيل پوره شوى دى، نور په دې برخه کې مشکل نه لرو.))

دى زياتوي چې ډېر ژر به د غزني په امنيتي وضعيت کې د پام وړ بدلون راشي؛ ځکه همدا اوس په ګېرو، خواجه عمري، اب بند، خوږياڼو او واغظ ولسواليو کې عمليات روان دي.

خو بل لور ته د غزني اوسېدونکي بيا له دغو عملياتو خوښ نه دي.

د اندړو ولسوالۍ اوسېدونکي محمد بشير پژواک ته وويل چې ډېرى وخت د شپني عملياتو پر مهال ملکي وګړو ته مرګ ژوبله اوړي.

هغه وايي: ((راځي د کورونو دروازې ماتوي، د خلکو کورونه پر ماينونو الوځوي او بيا خلک هم له ځانه سره بيايي چې دا حالت موږ ته نور هېڅ د منلو نه دى.))

خو بل لور ته طالبان بيا د غزني د والي څرګندونې ردوي.

د دې ډلې وياند ذبيح الله مجاهد پژواک ته وويل چې په تېره يوه مياشت کې په غزني له شلو ډېرو طالبانو ته مرګ ژوبله نه ده اوښتې.

هغه وايي چې په غزني کې ډېرى عمليات پر ملکي وګړو ترسره شوي او يا هم بې هدفه ځايونه ويشتل شوي دي.

د يادونې ده، تېر کال وسله والو طالبانو پر غزني ښار ډله ييز بريد وکړ چې په ترڅ کې يې يو شمېر سيمې طالبانو ونيولې خو له هغه ورسوته په دغه ولايت کې امنيتي ستونزې ډېرې شوې دي.

ورته راپورونه:

نظر ورکړئ

اعلانونه

Advertisement