د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د غزني په مقر کې د غازي امان الله خان ماڼۍ د نړېدو له ګواښ سره مخ ده

د غزني په مقر کې د غازي امان الله خان ماڼۍ د نړېدو له ګواښ سره مخ ده

May 08, 2019 - 13:59

غزني ښار (پژواک، ١٨ سلواغه ٩٨): د غزني په مُقر ولسوالۍ کې د غازي امان الله خان له لوري جوړه شوې ماڼۍ د اړوندو ادارو د نه پاملرنې له امله د نړېدو له ګواښ سره مخ ده.

له نن څخه شاوخوا ٩٦ کاله مخکې هغه مهال د دې ماڼې د جوړېدو امر ورکړل شو، کله چې غازي امان الله خان له خپلې مېرمنې سره يو ځاى له کابل څخه کندهار ته روان و.

د دې ولسوالۍ ځيني اوسېدونکي وايي چې دغه ماڼۍ امان الله خان د خپلې مېرمنې ملکې ثريا په خوښې جوړ کړې وه او کندهار ته د سفر پرمهال به يې دلته له خپلو وزيرانو او نورو کسانو سره څو شپې او ورځې تېرولې.

خو د مُقر ولسوالۍ يو شمېر اوسېدونکي وايي چې دغه ماڼۍ اوسمهال د ړنګېدو له ګواښ سره مخ ده بايد اړوندې ادارې ورته پاملرنه وکړي.

قره باغ ولسوالۍ اوسېدونکي سپين ږيري نيک محمد د غويي په ١٨مه پژواک ته وويل چې امان الله خان به ډېر وخت په دې ماڼۍ کې څو شپې او ورځې تېرولې او د خلکو شکايتونه به يې هم اورېدل.

ده زياته کړه: ((اوس دغه قصر په ډېر بد حال کې دى، که توجه ورته ونه شي بېخي له منځه ځي.))

دغه راز د مُقر ولسوالۍ د فاميليو سيمې اوسېدونکي حاجي نورالله هم پژواک ته وويل چې د امان الله خان د ماڼۍ ډېره برخه ويجاړه شوې ده.

هغه وايي: ((څو کاله وروسته يو څو کسان د سروې په نوم راشي، بيا نور ورک شي، څوک يې نه ګوري چې څه شول.))

د هغه د معلوماتو له مخې، دغه ماڼۍ د مُقر  ولسوالۍ مرکز ته څېرمه پرته ده نو د جوړېدو لپاره يې د نا امنۍ بهانه هم نه شي کېداى.

بل لور ته د اړوندې موضوع په اړه د غزني د اطلاعاتو او فرهنګ رياست د ابداتو مسوول محبوب الله رحماني پژواک ته وويل چې د يادې ماڼې د جوړېدو لپاره تر اوسه دوه ځلې سروې ترسره شوې ده.

 

ده وويل: ((رښتيا هم دا يوه تاريخي ماڼۍ ده، خو اوس يې ډېرې برخې ويجاړې شوې دي، کوښښ کوو چې د جوړېدو لپاره يې لارې چارې پيدا کړو.))

په دې اړه د غزني د اطلاعاتو او کلتور رييس بشير محمدي پژواک ته وويل چې په مقر ولسوالۍ کې د امان الله خان ماڼۍ ډېره برخه کې ويجاړه شوې ده.

هغه وايي چې په دې اړه يې له وزارت سره خبرې کړي او هغوی يې د جوړېدو لپاره ژمنه کړې ده.

بل لور ته د غزني يو شمېر نورو اوسېدونکو په ټولنيزو رسنيو کې د دغې ماڼۍ د جوړېدو لپاره کمپاين پيل کړى دى.

د يادونې ده چې دغه ماڼۍ د استوګنې د خونو تر څنګ هوټل، بڼ او نور ملحقات هم لري.

مُقر د غزني له مرکز څخه څه باندې سل کيلومتره لرې د کابل- کندهار پر لويه لار پرته ولسوالۍ ده.

ورته راپورونه:

نظر ورکړئ

اعلانونه

Advertisement