د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

تېرو دوو کلونو کې له خبریالانو سره د تاوتریخوالي ۱۵۰۰ دوسیې څېړل شوې دي

تېرو دوو کلونو کې له خبریالانو سره د تاوتریخوالي ۱۵۰۰ دوسیې څېړل شوې دي

May 09, 2019 - 14:18

کابل (پژواک، ١٩ غويی ٩٨): د اطلاعاتو او فرهنګ وزارت چارواکي وايي چې په تېرو دوو کلونو کې د خبريالانو پر وړاندې د هر ډول تاوتريخوالي يو زر او پنځه سوه دوسيې څېړل شوې چې د نورو اجرااتو لپاره عدلي او قضايي ارګانونو ته سپارل شوې دي.

دغه څرګندونې د اطلاعاتو او فرهنګ وزارت سلاکار جعفر راستين د افغانستان د ژورنالېستانو شورا له خوا د بيان ازادۍ نړيوالې ورځې د نمانځلو په مناسبت جوړې شوې غونډې ته وکړې.

هغه وويل چې په هېواد په ځينو بنسټونو کې د ظرفيت د نه شتون او امنيتي ستونزو له امله قوانين نه پلي کېږي نو ځکه د خبريالانو پر وړاندې د تاوتريخوالي کچه هم ورځ تر بلې لوړېږي.

دى وايي: ((ښه قوانين لرو خو په سمه توګه نه پلي کېږي چې د دې ستونزې د حل لپاره بايد په ګډه کار وکړو.))

راستين دا هم وويل چې په تېرو دوو کلونو کې د ګډ کمېسيون له لوري د خبريالانو پر وړاندې د تاوتريخوالي ١٥٠٠ دوسيې څېړل شوې دي.

هغه زياته کړه: ((په دې دوسيو کې د هرې کچې خلک او ډلې شامل دي، د نورو اجرااتو لپاره مو دغه دوسيې څارنوالۍ او د کورنيو چارو وزارت ته سپارلې دي.))

د نوموړي په وينا، خبريالان کاري او جسمي مصئونيت نه لري؛ ځکه د نورو په پرتله له ډېر تاوتريخوالي سره مخ کېږي.

دى زياتوي چې د اطلاعاتو او فرهنګ وزارت د خبريالانو د امنيت خونديتوب پر يوه لارښود کار کوي چې پلي کېدو سره به يې تر ډېره د خبريالانو امنيت خوندي شي.

بل لور ته په دې غونډه کې د افغانستان د ژورنالېستانو شورا مرستيال محمد بشير هاتف وويل چې په تېر يو کال کې په هېواد کې ٢٤ خبريالان او د رسنيو کار کوونکي وژل شوي او ١٨ نور ټپيان شوي دي.

د هغه د معلوماتو له مخې، په تېر کال کې د خبريالانو ٣٢ د ګواښلو، ٣٠ د سپکاوي او پنځه د تښتولو موارد هم له دوى سره ثبت شوي دي.

ده زياته کړه: ((دا هغه ارقام دي چې له موږ سره ثبت شوي دي، کېداى شي نورو ټولنو بل ډول ارقام ورکړي وي.))

هاتف وايي چې په تېر کال کې د دولت د وسله والو مخالفينو، زورواکو او حکومتي چارواکو له لوري خبريالان په انفرادي، ګروپي او عمومي ډول هم ګواښل شوي چې پر ژورنالېستيکي کارونو يې منفي اغېزې کړې دي.

د يادې غونډې په پاى کې د افغانستان د ژورنالېستانو شورا له خوا د پژواک خبري اژانس د خبريال اباسين زهير په ګډون د يو شمېر نورو رسنيو خبريالان هم د تقدير نامو په ورکولو سره وستايل شول.

نښه: 

ورته راپورونه:

نظر ورکړئ

اعلانونه

Advertisement