ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

فاریاب کې چاودنې نهو ماشومانو ته مرګ ژوبله اړولې ده

فاریاب کې چاودنې نهو ماشومانو ته مرګ ژوبله اړولې ده

author avatar
10 May 2019 - 10:39
فاریاب کې چاودنې نهو ماشومانو ته مرګ ژوبله اړولې ده
author avatar
10 May 2019 - 10:39

میمنه (پژواک، ۲۰ غویی ۹۸): فاریاب کې امنیتي سرچینو د سړک غاړې چاودنې له امله نهو ماشومانو ته د مرګ ژوبلې اوښتو خبر ورکړی دی.

د فاریاب د پولیسو مطبوعاتي مسوول عبدالکریم یورش د غويي به ۲۰مه پژواک خبري اژانس ته وویل چې دغه پېښه پرون مازدیګر پنځه بجې او ۴۵ دقیقې د دولت اباد ولسوالۍ په چهارشنغو سیمه کې رامنځته شوې ده.

هغه وویل، یاد ماشومان چې د اتو او دوولسو کلونو ترمنځ عمرونه لري، هغه مهال د مخالفینو له خوا د خښ شوي ماین له چاودنې سره مخ شول چې څاروي یې د څرولو لپاره دښتې ته روان کړي وو.

سرچینې زیاته کړه چې په دې چاودنه کې څلور ماشومان وژل شوي او پنځه نور ټپیان شوي دي.

د فاریاب پولیسو د مطبوعاتو مسوول د معلوماتو له مخې، ټپیان روغتون ته لېږدول شوي او وايي چې روغتیايي حالت یې نازک ښودل شوی دی.

د سیمې یو مخور مدیر عزیز هم دغه پېښه تاییدوي او پژواک ته یې وویل، تر اوسه نه ده معلومه چې دغه چاودنه د ماین او که د ناچودلي ډیسي توپ له امله وه.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.