د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

غزني کې شپږ ملکي وګړي او ۱۲ طالبان وژل شوي

غزني کې شپږ ملکي وګړي او ۱۲ طالبان وژل شوي

May 13, 2019 - 14:51

 

غزني ښار (پژواک، ٢٣ غويي ٩٨):د غزني په اندړو ولسوالۍ کې د بې پيلوټه الوتکې په بريد کې د درېيو وروڼو په ګډون شپږ ملکي وګړي او ١٢ طالبان وژل شوي دي.

په غزني کې يوې حکومتي سرچينې د غويي په ٢٣مه پژواک خبري اژانس ته وويل چې پرون سهار د بهرنيو ځواکونو بې پيلوټه الوتکې د اندړو ولسوالۍ په خاني سيمه کې پر ملکي خلکو بريد کړى دى.

دى وايي چې په دغه بريد کې د درېيو وروڼو په ګډون شپږ ملکي وګړي وژل شوي دي.

ده زياته کړه:((په دغه سيمه کې طالبان هم د خلکو په کورونو کې پټ شوي وو چې په بريد کې ١٢ طالبان هم وژل شوي دي.))

دغه راز د سيمې يوه اوسېدونکي لعل محمد پژواک ته وويل چې په دغه بريد کې اووه ملکي وګړي وژل شوي دي.

ده وويل: ((بييګاه زموږ کلي ته طالبان راغلي و خو بيا سهار کې هوايي بريد وشو او زما د معلوماتو له مخې وژل شوي کسان ټول ملکي وګړي دي.))

خو د غزني د والي وياند محمد عارف نوري بيا وايي چې په دغه بريد کې وژل شوي کسان ټول طالبان دي.

ده زياته کړه: ((دغه شپږ کسان په فولډر موټر کې سپاره و چې بريد پرى شوى، خارجيانو موږ ته احوال راکړى چې دا ټول طالبان دي.))

طالبان بيا د نوري څرګندونې ردوي.

د دې ډلې وياند ذبيح الله مجاهد وايي چې د غزني په اندړو ولسوالۍ تېره ورځ د حکومتي ځواکونو په بريد کې شپږ ملکي وګړي وژل شوي دي.

دى وايي چې پرون په غزني کې طالبانو ته کومه مرګ ژوبله نه ده اوښتې.

ورته راپورونه:

نظر ورکړئ

اعلانونه

Advertisement