د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

تخار کې د ملکي خلکو په ګډون نهه کسان وژل شوي

تخار کې د ملکي خلکو په ګډون نهه کسان وژل شوي

May 19, 2019 - 12:50

تالقان (پژواک، ٢٩ غويى ٩٨): د تخار امنيتي مسوولين وايي چې په رستاق ولسوالۍ کې د يوه غير مسوول وسله وال قوماندان او خلکو ترمنځ جګړه کې نهه کسان وژل شوي او اووه نور ټپيان دي.

د تخار د امنيې قوماندانۍ وياند سمونيار خليل اسير د غويي په ٢٩مه پژواک خبري اژانس ته وويل چې تېره شپه د رستاق ولسوالۍ په ګيزر سيمه کې د يوه غير مسوول وسله وال قوماندان محمد او د سيمې د خلکو ترمنځ جګړه شوې ده.

هغه وايي: ((قوماندان محمد څو کاله په دې سيمه کې نه و، خو پخوا يې پر خلکو ډېر ظلمونه کړي وو کله چې تېره شپه بېرته راستون شوى، خلکو پرې بريد کړى، د ده کسانو هم پر خلکو ډزې کړې دي.))

اسير زياتوي چې په دې پېښه کې شپږ د سيمې اوسېدونکي، قوماندان محمد او دوه ساتونکي يې وژل شوي او اووه نور کليوال ټپيان شوي دي.

د نوموړي په وينا، امنيتي ځواکونه سيمې ته رسېدلي يو شمېر کسان يې هم نيولي او په دې برخه کې يې پلټنې هم پيل کړې دي.

بل لور ته د رستاق بازار اوسېدونکي شکرالله پژواک ته وويل چې په دې پېښه تر لسو ډېر کسان وژل شوي دي.

هغه وايي: ((امنيتي ځواکونو ونه شول کولاى چې بېګاه دې سيمې ته ځان ورسوي، سهار ورغلي دي او اوس جګړه نشته دى.))

د يادونې ده، له دې وړاندې په تخار ولايت کې د غير مسوولو وسله والو له ډېروالي شکايتونه شوي دي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan