د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"په ميدان وردګو کې يو شمېر وسله وال او ملکي وګړي وژل شوي"

"په ميدان وردګو کې يو شمېر وسله وال او ملکي وګړي وژل شوي"

May 21, 2019 - 16:51

کابل (پژواک، ٣١غويى٩٨) : حکومت ادعا کوي چې د ميدان وردګو په نرخ ولسوالۍ کې يې يو شمېر وسله وال وژلي، خو طالبان وژل شوي کسان عام وګړي بولي.

د ميدان وردګو ولايت له مطبوعاتي دفتره په خپره شوې خبرپاڼه کې ويل شوي چې د دغه ولايت د نرخ ولسوالۍ په بېلابېلو سيمو کې د چاڼيزو عملياتو او شپنيو چاپو پرمهال ١٢ وسله وال طالبان وژل شوي دي.

سرچينې ادعا کړې چې دغه راز ٦ وسله وال امنيتي ځواکونو ژوندي هم نيولي دي.

په خبرپاڼه کې راغلي چې په دغو عملياتو کې د وسله والو مخالفينو ٧ موټر، ٢٠ موټرسايکلونه او يوه اندازه مهمات او ماينونه له منځه وړل شوي دي.

خو په خبرپاڼه کې د ملکي وګړو او امنيتي ځواکونو د مرګ ژوبلې په اړه څه نه دي ويل شوي.

د ميدان وردګو د ولايتي شورا غړي شريف الله هوتک پژواک خبري اژانس ته وويل چې په نرخ ولسوالۍ کې د عملياتو پر مهال د وسله والو ترڅنګ، درې عام وګړي هم وژل شوي دي.

د ده په خبره دوى ته د ١٢ وسله والو طالبانو د وژل کېدو او شپږو نورو د نيول کېدو خبر هم رسېدلى دى.

دغه راز هوتک د جزيياتو له ورکولو پرته وويل چې د ياد ولايت د مرکز د ميدان ښار په ده افغانانو سيمه کې هم په يو هوايي بريد کې يو شمېر کسان وژل شوي دي.  

خو د وسله والو طالبانو وياند ذبيح الله مجاهد په خپله ټويټر پاڼه کې ليکلي چې وړمه شپه افغان او بهرنيو ځواکونو د نرخ ولسوالۍ په بېلابېلو سيمو کې عمليات کړي چې په ترڅ کې يې ٧عام وګړي وژل شوي دي.

هغه زياته کړې يادو ځواکونو د خلکو نقليه وسايط سوځولي، د کورونو دروازې يې ماتې کړي او عامو خلکو ته يې زيات مالي زيانونه هم اړولي دي.

د دې ترڅنګ مجاهد وايي چې د دغه ولايت د سيداباد ولسوالۍ په تنګي دره سيمه کې درې ماشومان چې له غره يې خس راوړل په هوايي بريد کې وژل شوي، خو د ميدان وردګو امنيتي مسوولينو تراوسه د تنګي د بريد په اړه څه نه دي ويلي.     

پژواک هڅه وکړه چې د عملياتو په سيمو کې له عامو خلکو سره خبرې وکړي، خو اړيکه ورسره ټينګه نه شوه.

ورته راپورونه:

نظر ورکړئ

اعلانونه

Advertisement