د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

چين: له کلونو جګړو وروسته افغانستان کې سولې ته هيله مندي زياته شوې

چين: له کلونو جګړو وروسته افغانستان کې سولې ته هيله مندي زياته شوې

May 21, 2019 - 16:55

کابل (پژواک، ٣١ غويى ٩٨) : د چین د بهرنیو چارو وزیر وانګ یي وايي چې په افغانستان کې له کلونو جګړې وروسته سولې ته هيله مندي زياته شوې ده.

نوموړي دغه څرګندونې تاجکستان کې د دغه هېواد له ولسمشر امام علي رحمان سره په لیدنه کې کړې او د افغانانو ترمنځ د سولې پراخو خبرو د پيلېدو غوښتونکی شوى دى.

هغه زياته کړې:«افغانستان کې له کلونو جګړې وروسته، په پایله کې سوله راتلونکې ده.))

د چين د بهرنيو چارو وزير چین او تاجکستان د افغانستان هغه دوه ګاونډي هېوادونه ياد کړي چې د سولې په برخه کې ګډ دریځ لري.

نوموړي د امریکا او طالبانو ترمنځ د سولې خبرو په تړاو ویلي دي:«موږ هیله لرو چې د امریکا او طالبانو ترمنځ د سولې خبرې اترې د داسې معاملې لامل شي چې دې بهیر ته ګټور واوسي، هیله لرو چې نور اړخونه هم وتوانیږي د افغانستان د روان کړکېچ حل لارې په برخه کې مثبت رول ولوبوي.))

وانګ یي د افغانستان د سولې بهیر په برخه کې د چین له مثبتې ونډې هم ډاډ ورکوي.

هغه همداراز زیاته کړې ده چې چین هیڅکله هم د افغانستان په کورنیو چارو کې لاسوهنه نه ده کړې او هېواد یې لېواله دی تر څو د افغانستان د سولې په بهیر کې اغېزمنه ونډه ولري او د دغه هېواد د بیا رغونې په برخه کې اړینې مرستې وکړي.

نښه: 

ورته راپورونه:

نظر ورکړئ

اعلانونه

Advertisement