د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د سېلابونو له امله پر سختو مالي زیانونو سربېره ۱۹ کسان مړه او ټپیان دي

د سېلابونو له امله پر سختو مالي زیانونو سربېره ۱۹ کسان مړه او ټپیان دي

May 25, 2019 - 18:11

کابل (پژواک، ۴ غبرګولی ۹۸): له تېرو دوو ورځو راهیسې د هېواد په شپږو ولایتونو کې سېلابونو د لږ تر لږه شپږ کسان د مړه کېدو او ۱۳ نورو پر ټپي کېدو سربېره د استوګنې ۴۵۷ کورونه زیانمن کړي دي.

پېښو ته د رسېدو په چارو کې د دولت وزارت وياند محمد تمیم عظیمي پژواک خبري اژانس ته وویل، دغه مالي او ځاني زیانونه د غبرګولي په لومړۍ او دویمه نېټه په بامیانو، بغلان، هرات، غزني، غور او کابل ولایتونو کې رامنځته شوي دي.

د نوموړي د معلوماتو په اساس، په کابل کې د بارانونو د ورښت له امله یو تن مړ، پنځه ټپیان او د استوګنې ۲۰۰ کورونه ویجاړ او یا زیانمن شوي دي.

د هغه په خبره، د کابل ښار په اوومه ناحیه کې د سېلابونو له امله یو جومات هم تخریب شوی دی.

نوموړي دغه راز وویل، د یادو سېلابونو له امله په هرات کې هم درې کسان مړه، یو ټپي دی او د استوګنې ۸۸ کورونه زیانمن شوي او په غور ولایت کې یو تن مړ، شپږ ټپیان، ۱۳۳ کورونه یې تخریب او ۱۶ نور یې زینمن کړي دي.

عظیمي زیاته کړه، په غور ولایت کې ۱۳ څاروي هم له منځه تللي دي.

هغه په ډاګه کړه، په غزني ولایت کې د سېلابونو له امله یو تن مړ او د استوګنې ۱۱ کورونه تخریب شوي، دغه راز یې په بامیانو کې د استوګنې ۱۴ کورونو ته زیان رسولی دی.

دا په داسې حال کې ده چې د دغه وزارت چارواکو یو شمېر رسنیو ته ویلي، د هېواد په مرکزي، سوېلي او لوېدیځو سیمو کې د سېلابونو له امله ۲‍۱ تنه مړه دي.

خو د یاد وزارت ویاند نن پژواک ته وویل، د وزارت د چارواکو له خوا رسنیو ته ورکړل شوي معلومات لومړني دي او په زیانمنو سیمو کې د کره څېړنو په ترڅ کې روښانه شوې چې د سېلابونو له امله په ټولیزه توګه شپږ کسان مړه او ۱۳ ټپیان دي.

بلخوا د دغه وزارت ویاند څرګنده کړه چې د بامیانو په شیبر ولسوالۍ کې په سېلابونو کې شاوخوا ۵۰۰ بند پاتې شوي کسان ژغورل شوي او خوندي ځایونو ته انتقال شوي دي.

عظیمي زیاته کړه، په بغلان ولایت کې هم یو تن د سېلابونو له امله ټپي او څلور کورونه زیانمن شوي دي.

هغه له جزئیاتو پرته وویل، د سېلابونو له امله له زیانمنو کسانو سره د غذايي او غیر غذايي توکو مرسته روانه ده.

پېښو ته د رسېدو په چارو کې د دولت وزارت د معلوماتو له مخې، د روان کال د کب میاشتې له ۱۲ مې راهیسې د بارانونو او سېلابونو له امله د هېواد په ۱۹ ولایتونو کې په ټولیزه توګه ۲۲۰ کسان مړه، له ۱۰۰ ډېر ټپیان او د استوګنې ۱۶۲۰۰ کورونه تخریب او ۱۹ زره نور زیانمن شوي دي.

د هغه په خبره، په دې موده کې سېلابونو شاوخوا ۱۰ زره څاروي هم له منځه وړي دي.

نښه: 

ورته راپورونه:

نظر ورکړئ

اعلانونه

Advertisement