د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

سمنګان کې شپږ امنیتي سرتېري وژل شوي

سمنګان کې شپږ امنیتي سرتېري وژل شوي

May 28, 2019 - 14:54

 

ایبک (پژواک، ۷ غبرګولی ۹۸): د سمنګان په در صوف پایین ولسوالۍ کې د دولت وسله والو مخالفینو د یو برید په ترڅ کې شپږ دولتي سرتېري وژل شوې او درې نور ټپیان دي.

د دره صوف پایین ولسوال عبدالیقین احمدي پژواک ته وویل چې طالبانو تېره شپه د دې ولسوالۍ په خوشدره سیمه کې پر امنیتي پوسته برید وکړ.

هغه زیاته کړه چې په دغه برید کې طالبانو د څه مودې لپاره یوه پوسته ونیوه، د یوه پولیس په ګډون شپږ امنیتي سرتېري چې پنځه د ملي اردو اړوند دي، وژل شوي او درې نور ټپیان شوي دي.

دغه راز نوموړي وویل چې په دې جګړه کې د دولتي سرتېرو یو هاموې ټانګ سوځېدلی دی.

ده زیاته کړه چې طالبانو د امنیتي ځواکونو پنځه میله وسله هم له ځان سره وړې ده.

ولسوال وویل چې په دې جګړه کې د طالبانو د تلفاتو په اړه کوم خبر نه دی ورکړل شوی.

د سمنکان ولایتي شورا پخواني غړي حاجي عبدالله د یادې ولسوالۍ امنیتي حالت د اندېښنې وړ بولي او وایي که چېرې اړینه پاملرنه ورته ونه شي، امکان لري چې طالبان يې ونیسي.

ورته راپورونه:

نظر ورکړئ

اعلانونه

Advertisement