لومړى تعقيب- کابل (پژواک، ۱۲ غبرګولی ۹۸): پوليس وايي، د کابل ښار د پنځمې امنيتي حوزې اړوند سيمه کې د ښوونې او روزنې پوهنتون پر موټر شوې چاودنې يو کس وژلی او لس نور يې ټپيان کړي دي.
د کورنيو چارو وزارت وياند نصرت رحيمي وايي، دغه چاودنه نن سهار نږدې اته بجې د استاد رباني د ښوونې او روزنې پوهنتون پر يوه کاسټر موټر وشوه.
هغه زياتوي چې په دې پېښه کې يو کس وژل شوى او لس نور برسېرن ټپيان دي.
دى وايي چې ټپيان د ياد پوهنتون محصلين دي او وژل شوى کس د سيمې يو هټۍ وال دى.
خو د سيمې يوه اوسېدونکي حبيب الله پژواک خبري اژانس ته وويل چې دغه چاودنه د امان روغتون پخوانۍ ودانۍ ته څېرمه پر يو ژېړ رنګ لرونکي کاسټر موټر شوې ده.
تر اوسه د بريد مسووليت چا پر غاړه نه دى اخیستى.
نور جزئيات به وروسته خپاره شي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن