ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

رحيمي: اختر کې ١٩ امنيتي ځواکونه او ١١ ملکي وګړي وژل شوي

رحيمي: اختر کې ١٩ امنيتي ځواکونه او ١١ ملکي وګړي وژل شوي

author avatar
7 Jun 2019 - 11:24
رحيمي: اختر کې ١٩ امنيتي ځواکونه او ١١ ملکي وګړي وژل شوي
author avatar
7 Jun 2019 - 11:24

کابل (پژواک، ١٧ غبرګولى ٩٨): د کورنيو چارو وزارت وايي، د اختر په درېيو ورځو کې سره له دې چې د ٧٠ بريدونو مخه نيول شوې، د دولت د وسله والو مخالفينو په بريدونو کې٤٦ کسانو ته مرګ ژوبله اوښتې ده.

د کورنیو چارو وزارت ویاند نصرت رحیمي وايي، د اختر په درېیو ورځو کې په لوګر، هلمند، بغلان او کاپیسا ولایتونو کې د وسله والو مخالفينو بریدونو کې ١١ ملکي وګړي وژل شوي او ٧ نور ټپيان دي.

رحيمي د اختر په ورځو کې د دولت د وسله والو مخالفينو د مرګ ژوبلې په اړه څه نه دي ويلي، خو زياتوي چې په دغه موده کې د وسله والو مخالفينو په ٢٣ بريدونو کې له دولتي ځواکونو څخه ١٩ تنه وژل شوي او نهه نور ټپيان دي.

دا په داسې حال کې ده چې د سرچينې د څرګندونو له مخې، په دغو درېيو ورځو کې د وسله والو مخالفينو د ٧٠ بريدونو مخه هم نيول شوې ده.

هغه د جزيياتو له ورکولو پرته ويلي چې له دغو ٧٠ بريدونو څخه چې مخه يې نيول شوې، ٣٥ په کابل کې دي.

رحيمې وايي، د ملي امنیت ځواکونو د اختر په دویمه کابل کې یو موټر بم هم نیولی دى.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.