د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په ننګرهار کې سږکال پنځه سوه پروژې پلې کيږي

په ننګرهار کې سږکال پنځه سوه پروژې پلې کيږي

Jun 07, 2019 - 11:09

جلال اباد (پژواک، ۱۷غبرګولى ۹۸): د ننګرهار د کليو، بيارغونې او پراختيا رياست چارواکي وايي چې روان کال په دغه ولايت کې د نږدې درې ميليارده افغانيو په لګښت ۵۰۰ رغنيزې پروژې پلې کوي.

دوی وايي،تېر کال يې هم دغه ولايت کې ديو اعشاريه پنځه ميليارده افغانيو په لګښت ۱۵۰ رغنيزې پروژې پلې کړې وې.

د ننګرهار د کليو، بيارغونې او پراختيا رييس انجنير مجيب الرحمن ضياء له پژواک اژانس سره په يوې ځانګړې مرکه کې وويل، چې روان کال به دغه ولايت کې د نږدې ۳ ميليارده افغانيو په لګښت د ۵۰۰ په شاوخوا کې پروژې پلې شي.

د نوموړي دمعلوماتو له مخې، په دغو پروژو کې دښوونځيو ودانۍ، جوماتونه، د سړکونو، استنادي ديوالونو او پلونو رغول، د لمريزې او اوبو برېښنا او د څښاک اوبو شبکو رامځته کول شامل دي.

ضياء زياته کړه، چې روان کال به پنځو ولسوالیو کې د ۴۵۰ ولسي تړون شوراګانو له لارې زرګونه کسانو ته کاري زمينې هم برابرې کړي.

دی وايي:((په دغو پروژو کې تر ټولو مهمه يې د اقراء برنامې له لارې په ننګرهار کې ۲۰۶ ښوونځيو ته د ودانيو جوړول دي چې د ۱۷۰ ودانيو بوديجه ننګرهار ته انتقال شوې او د پاتې نورو به هم راتلونکو څو اوونيو کې انتقال شي.))

د انجنيرضياء په وينا، په لسو سرحدي ولسواليو کې به روان کال د لمريزې برېښنا او دره نور ولسوالۍ کې به د اوبو برېښنا ګڼې شبکې هم رامنځته کړي.

هغه وويل، په مختلفو ولسواليو کې دڅښاک اوبو ۳۰ شبکې جوړېږي چې هره شبکه به ۲۵۰ کورنيو ته اوبه ورکړي او دغه راز په اتو ولسواليو کې د ولسي تړون د ۷۵۵ شوراګانو له لارې هره شورا د ۲۵زره ډالرو په لګښت د اړتيا مطابق رغنيزې چارې ترسره کوي.

دی وايي،په بټي کوټ کې ۱۴، روداتو کې ۱۲ او بهسودو کې ۱۶ کيلومتره سړکونه او دغه راز روداتو کې ۵۱متره اوږد پول هم سږکال رغول کېږي.

د کليو پراختيا رييس دغه راز وايي چې د شينوارو شپږو ولسوالیو او کوټ ولسوالۍ کې به هم سږکال ۲۵بېلابېلې پروژې پلې او دغه راز به ۶۶ جوماتونه هم ورغول شي.

خو ننګرهار مېشتي وايي، د پروژو د تطبيق برخه کې انډول ته پاملرنه نه کېږي او ډېرې پروژې د ښار په شاوخوا څو ولسواليو کې پلې کېږي.

د شينوارو قومي مشر سيد حکيم حقيار پژواک اژانس ته وويل، ننګرهار کې په تېرو اتلسو کلونو کې د ترسره شويو ټولو پروژو کيفيت ته پاملرنه نه ده شوې او دغه راز ولسواليو کې انډول هم نه ساتل کېږي.

دغه راز د خوږياڼو قومي مشر ملک ظهور خان وايي، په ولسواليو کې ترسره کېدونکې ټولې پروژې هغسې چې قرارداد يې شوی نه ترسره کېږي؛ ځکه اړوندې ادارې يې نظارت نه کوي.

خو د کليو د بيارغونې او پراختيا رييس مجيب الرحمن ضياء بيا وايي، د پروژو د شفافيت لپاره يې هم ځانګړي پلانونه جوړ کړي او ډاډ ورکوي چې د ټولو پروژو کارونه په پوره روڼتيا او د پروژې د ‌ ډيزاين مطابق ترسره کيږي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan