د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

بغلان کې د ملاریا ناروغي ۴۱ سلنه کمه شوې

بغلان کې د ملاریا ناروغي ۴۱ سلنه کمه شوې

Jun 10, 2019 - 15:55

پلخمري (پژواک، ۲۰ غبرګولی ۹۸): د بغلان د عامې روغتيا رياست مسوولين وايي چې د تېرو کلونو په پرتله په دغه ولايت کې د ملاريا ناروغي کچه ٤١ سلنه را ټيټه شوې او هڅې روانې دي چې راتلونکی کال دغه شمېره صفر ته راټیټه شي.

دغه څرګندونې د بغلان د عامې روغتیا ریاست د ملاریا ناروغۍ د کڼترول څانګې مسوول ډاکټر علي خان بیساق د غبرګولي په ٢٠مه په مرکز پلخمري کې يوې خبري غونډې ته وکړې.

هغه وويل چې په ١٣٩٦ کال کې په دغه ولايت کې د ملاريا ١٢٥ پېښې ثبت شوې وې خو په ١٣٩٧ کال کې يې بيا کچه ٧٥ ته را ټېټه شوه چې د وړم کال په پرتله ٤١ سلنه کموالى ښيى.

ده زياته کړه: ((په روان او راتلونکي کلونو کې موږ کوښښ کوو چې د ملاريا ناروغې کچه بېخي صفر ته را ټيټه کړو.))

د نوموړي د معلوماتو له مخې، په ١٣٧٠ کلونو کې د هېواد په کچه د ملاريا تر ټولو ډېرې پېښې، نهه زره، په بغلان ولايت کې ثبت شوې وې.

دى وايي: ((له ١٣٨٠ کلونو يې بيا د کنټرول هڅې پيل شوې او اوس يې نو کچه ډېره ټېټه ده.))

دغه راز د ماشومانو يو متخصص ډاکټر محمد کبير احمدزى هم وايي چې په تېرو کلونو کې په دغه ولايت کې د ملاريا د مخنيوي لپاره پوره کار شوى دى.

ده وويل: ((په تېرو پنځو کلونو کې د ملاریا په تبې اخته یو ناروغ ما ته مراجعه کړې، نو له دې ښکاري چې دغه ناروغي ډېره کمه شوې ده.))

د نوموړي د معلوماتو له مخې، په کروندو کې د غوماشو ضد درمل شيندل، د ولاړو اوبو له منځه وړل، د پشه خانو ويشل او په دغه برخه کې عامه پوهاوى هغه څه دي چې د ملاريا د ناروغې کچه يې تر ډېره راټېټه کړې ده.

د يادونې ده، د ملاريا ناروغي د ښځينه انافيل غوماشي په وسيله له نا روغ کس څخه روغ کس ته انتقاليږي او که پر وخت يې درملنه ونه شي کله نا کله د مرګ سبب هم کيږي.

ورته راپورونه:

نظر ورکړئ

اعلانونه

Advertisement