د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

بغلان او کندوز کې د طالبانو له زندانونو ۴۷ کسان را خوشي شوي

بغلان او کندوز کې د طالبانو له زندانونو ۴۷ کسان را خوشي شوي

Jun 11, 2019 - 09:33

پلخمري- کندوز (پژواک، ٢١ غبرګولى ٩٨): امنيتي ځواکونو د ځانګړو عملياتو په ترڅ کې په بغلان او کندوز ولايتونو کې ٤٧ کسان د طالبانو له زندانونو را خوشي کړي دي.

د کورنيو چارو وزارت وياند نصرت رحيمي د غبرګولي په ٢١مه پژواک خبري اژانس ته وويل چې تېره شپه د پوليسو ځانګړو ځواکونو د بغلان په لرخابي سيمه کې د طالبانو پر يوه زندان عمليات کړي او ٣٤ کسان يې را خوشي کړي دي.

د نوموړي د معلوماتو له مخې، په خوشي شوو کسانو کې اووه پوليس، اووه د ملي اردو سرتېري، درې د ملي امنيت سرتېري او پاتې نور يې ملکي وګړي دي.

دغه راز د يو بل خبر له مخې، په کندوز کې هم د طالبانو يو زندان مات شوى دى.

په کندوز کې ٢١٧ پامير قول اردو د مطبوعاتي دفتر له لوري پژواک خبري اژانس ته په رالېږل شوې خبرپاڼه کې راغلي چې د ملي اردو ځانګړو ځواکونو تېره شپه په اقتاش ولسوالۍ کې د طالبانو پر يوه زندان عمليات کړي دي.

سرچينه وايي چې د دغو عملياتو په ترڅ کې ١٣ ملکي وګړي د طالبانو له زندانه را خوشي کړاى شوي دي.

وسله والو طالبانو تر اوسه په دې اړه څه نه دي ويلي.

د يادونې ده، له دې مخکې هم په بېلابېلو ولايتونو کې د امنيتي ځواکونو له لوري د طالبانو پر زندانونو عمليات شوي او يو شمېر کسان ترې را خوشي کړاى شوي دي.

ورته راپورونه:

نظر ورکړئ

اعلانونه

Advertisement