کابل (پژواک، ۲۲ غبرګولی ۹۸) : د یمني حوثیانو لخوا د سعودي پر ابها هوایي ډګر د توغندویي برید له امله ۲۶ مسافرین ټپیان شوي دي.
د سعودي دولتي اژانس د راپور له مخې، دا برید نن سهار وخته د ایران پلوه یمني حوثي وسله والو لخوا د سعودي عربستان پر ابها ښار توغندویي بریدونه شوي وو.
په راپور کې راغلي، چې یو توغندی د ابهار ښار د هوایي ډګر پر هغه سیمې لګیدلې، چیرته مسافرین له الوتکې څخه را ښکته کیدو وروسته د وتلو په حال کې و.
ځایی امنیتي مسوولینو ویلي، چې په دې برید کې د بیلاو بیلو هیوادونو ۲۶ مسافرین ټپیان شوي دي چې پکې ښځې او ماشومان هم شامل دي.
د سعودي په مشرۍ د پوځي اتحاد ویاند ویلي، چې ددې برید سخت ځواب به ورکړل شي.
Visits: 1
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن