د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"د هرات د ولایتي شورا درې غړي ددغې شورا د رییس د ساتونکو له خوا ټپیان شوي"

"د هرات د ولایتي شورا درې غړي ددغې شورا د رییس د ساتونکو له خوا ټپیان شوي"

Jun 15, 2019 - 16:36

 هرات (پژواک، ۲۵ غبرګولی ۹۸): د هرات د ولایتي شورا یو غړی وايي چې د کامران علي زايي ساتونکو ددې شورا درې غړي له لفظي شخړې وروسته وهلي ټکولي دي.

 د هرات د ولایتي شورا غړي غلام حبیب هاشمي پژواک ته وویل، دغه پېښه نن له غرمې مخکې رامنځته شوې ده.

 سرچینې زیاته کړه، یاده پېښه هغه مهال رامنځته شوه چې د کامران علي زايي ساتونکو د ولایتي شورا ودانۍ ته تر داخلېدو وروسته ددې شورا له درېیو ساتونکو سره لفظي شخړه کړې او دوی یې وهلي ټکولي دي.

 هاشمي د هرات د ولایتي شورا د هغو درېیو غړو نومونه چې په دې پېښه کې له خپلو پنځو ساتونکو سره ټپیان شوي وکیل احمد کرخی، عبدالرحمن مرادي او محمد سردار بهادري ښودلي دي.

 دده په خبره، د کامران علي زايي ساتونکو له لفظي شخړې وروسته هوايي ډزې هم کړې دي.

 هغه روښانه کړه چې دغو ساتونکو له هوايي ډزو سره یو ځای د هرات د ولایتي شورا یاد درې غړي د ټوپک په کنداغ پر وهلو ټکولو ټپیان کړي دي.

 نوموړي په دې اړه نور جزیيات نه دي ورکړي.

 پژواک خبري اژانس له پرله پسې هڅو وروسته ددې موضوع په اړه د هرات د ولایتي شورا د رییس د نظر په اخیستو بریالی نه شو.

ورته راپورونه:

نظر ورکړئ

اعلانونه

Advertisement