د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ننګرهار کې ترافيکي پېښې ۷ کسانو ته مرګ ژوبله اړولې

ننګرهار کې ترافيکي پېښې ۷ کسانو ته مرګ ژوبله اړولې

Jun 16, 2019 - 16:36

جلال اباد (پژواک، ۲۶ غبرګولی ۹۸): د ننګرهار ولايت چارواکي وايي، د جلال اباد- تورخم پر لويه لاره د ترافيکي پېښې له امله ۷ کسانو ته مرګ ژوبله اوښتې ده.

چارواکي وايي، پېښه نن سهار د جلال اباد ښار په نهمه ناحيه کې رامنځته شوې ده.

د ننګرهار د والي وياند عطاءالله خوږياڼي د غبرګولي په ۲۶مه پژواک اژانس ته وويل، د مرکز جلال اباد ښار نهمه ناحيه کې د جلال اباد- تورخم پر لويه لاره د يو مسافر وړونکي مارسډيز او الټو موټرو ترمنځ ټکر شوی دی.

دی وايي، په دې ترافيکي پېښه کې درې کسان مړه شوي او څلور نور ټپيان دي چې د درملنې په موخه روغتون ته انتقال شوي دي.

د نوموړي د معلوماتو له مخې، په مړو کې يوه ماشومه هم شامله ده او د ټپيانو روغتيايي وضعيت نازک ښودل شوی دی.

د والي وياند زياتوي چې پېښه د موټر چلوونکو د بې احتياطۍ له امله رامنځته شوې او پوليسو يې څېړنه پيل کړې ده.

د جلال اباد- تورخم لويه لاره چې ګڼه ګوڼه پرې زياته او پراخوالی يې کم دی، ډېر کله د ورته ترافيکي پېښو شاهده وي.

له کلونو راهيسې د دې لارې پر دويم سړک د پاکستان هېواد له لوري کار روان دی؛ خو لا هم د ځينو ستونزو له امله سرته نه دی رسېدلی.

ورته راپورونه:

نظر ورکړئ

اعلانونه

Advertisement