د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

هلمند کې د تېر کال په پرتله سږ غنم ډېر کرل شوي

هلمند کې د تېر کال په پرتله سږ غنم ډېر کرل شوي

Jun 17, 2019 - 11:57

لښکرګاه (پژواک، ٢٧ غبرګولى ٩٨): د هلمند د کرنې رياست مسوولين وايي چې د دغه ولايت په ٩٥ زره هکتاره ځمکه کې غنم کرل شوي چې د تېر کال په پرتله ٢٥ سلنه زياتوالى ښيي.

د هلمند د کرنې رييس زلمي الکو د غبرګولي په ٢٧مه پژواک خبري اژانس ته وويل چې په روان کال کې د دغه ولايت کروندګرو د نورو کښتونو پر ځاى د غنمو کښت ته مخه کړې ده.

هغه وايي چې د دغه ولايت په څه باندې ٩٥زره هکتاره ځمکه کې غنم کرل شوي چې د تېر کال په پرتله ٢٥ سلنه زياتوالى ښيى.

ده زياته کړه: ((زه کوښښ کوم چې د کروندګرو د غنمو د حاصلاتو لپاره په هلمند او نورو ولايتونو کې مناسب بازار پيدا کړم.))

الکو هيله وښوده چې هلمند به يو ځل بيا د غنمو د حاصلاتو له پلوه پر ځان بسيا شي او نورو ولايتونو ته به يې هم حاصلات صادر کړاى شي.

په دې اړه د ناوې ولسوالۍ يوه ګروندګر تورجان پژواک ته وويل چې د نورو کلونو پرتله يې سږ کال د غنمو د حاصلاتو کچه لوړه ده.

دى وايي: ((حاصلات مو ډېر ښه دي خو د غنمو د حاصلاتو د خرڅلاو لپاره مناسب بازار نه لرو.))

تورجان نيوکه وکړه چې حکومتي مسوولين هر کال د دوى د حاصلاتو لپاره د بازارموندنې ژمنې کوي خو پر وخت نه عملي کېږي.

دغه راز د ګرمسېر ولسوالۍ يوه کروندګر محمد نعيم پژواک ته وويل چې د نورو کښتونو پر ځاى يې سږ کال د غنمو کر ته مخه کړې ده.

ده وويل: ((زما په شمول ډېرو کروندګرو د کوکنارو پر ځاى سږ کال غنم کرلي دي، خو حکومت بايد ورته بازار پيدا کړي، که دغه کار ونه کړي، کروندګر به يو ځل بيا د کوکنارو کښت ته مخه کوي.))

يو شمېر نورو کروندګرو هم ورته څرګندونې وکړې.

بل لور ته د هلمند د ولايتي شورا رييس عطاالله افغان پژواک ته وويل چې اړوند ارګانونه بايد د غنمو او نورو حلالو کښتونو د پياوړي کولو په برخه کې له کروندګرو سره بېلابېلې مرستې وکړي.

ده زياته کړه: ((که له کروندګرو سره مرستې وشي، بيا دوى کولاى شي د هلمند تر څنګ نورو ولايتونو ته هم غله دانه ولېږي.))

افغان هم خوښي ښوده چې د دغه ولايت کروندګرو سږ کال د کوکنارو پر ځاى د غنمو کر ته مخه کړې ده.

د يادونې ده، هلمند د افغانستان د نا امنو ولايتونو له ډلې دى چې اوس يې هم په زرګونو هکټاره ځمکه کې کوکنار کرل شوي چې ډېره برخه ګټه يې د افغان وسله والو مخالفينو او قاچاقبرانو ته ورځي.

ورته راپورونه:

نظر ورکړئ

اعلانونه

Advertisement